Skip to main content

Nuummi illoqarfiup immikkoortuanut nutaamut suliniutissatut siunnersuut naleqqussagaq: Milliardilinnik nalilimmik sanaartortoqalersinnaavoq

Nuummi Nuukullak tamalaanik inuussutissarsiorfiusoq illoqarfiup immikkoortuatut pilerinartorujussuartut pissanganartumik sanaartukkanik inissiarpassualittut, illoqarfiup ilaatut biileqarfiunngitsutut inuunerilluarfiusutullu allanngortinniarneqalerpoq.

Qeerlutuuararnamik kusanartutut qussunngortumik oqaluttualiaq assigilluinnarlugu Nuummi Entreprenørdalen ukiuni makkunani inuussutissarsiuteqarfimmit kusanaatsumit illoqarfiup immikkoortuanut pilerinartumut allanngortikkiartorneqarpoq, periuseq nutaarluinnaq atorlugu illoqarfik kangerlummut ataqatigiissilerlugu.

Aviisi AG taama allappoq.

Illoqarfiup ineriartortinneranik suliniummi Sermeq Citymi, illoqarfiit pingaarnersaata inissianik amigaateqarnerujussua ikiorserniarlugu inissianik pissanganartunik sanaartukkanik, illoqarfiup immikkoortuanik biileqarfiunngitsumik qasuersaartarfinnillu, illoqarfimmi innuttaasut tamarmik iluaqutigisinnaasaannik, sanaartorfiginiarneqalerpoq.

Suliniut 2020-mili piareersarneqalersimavoq, maannalu 2022-p aallartinnerani ingerlatseqatigiiffiup taassuminnga ingerlatsisup suliniummut siunnersuut naleqqussagaq Kommuneqarfik Sermersuumut tunniuppaa. Kommunip qaammatini tulliuttuni suliniutissatut siunnersuut misissoqqissaassavaa, tamatumalu kingorna tusarniaassutigineqassaaq, tamannalu pereerpat aatsaat oqartussaasunit suliarineqarnera nunaminertanik sanaartorfissanik tunniussinermik kinguneqassaaq. Suut tamarmik inissinneqareerpata sanaartorneq 2023-mi upernaakkut aallartinneqarsinnaalissaaq.

Suliniutissatut siunnersuut naleqqussagaq pissutigalugu ilaatigut Jagtforeningip Entreprenørdalimi maanna atortui mittarfiup eqqaani Aanaap illuata avannaanut nuunneqassapput, taannalu suliniummik suliarinnittut nassaarisimavaat kommuni ikiortigalugu.

Tamatuma saniatigut tassani biatlonimik unammisarfik sananeqassaaq, sisoraatinik oqilaniuttartut peqatigiiffiat NSP suleqatigalugu.

- Kommuni pitsaasumik oqaloqatigaarput, Coronalli tuniluunnera kommunimullu qinersineq pissutigalugit suliniut kinguaattoorsimavoq. Piffissaq tamanna atorsimavarput suliniut naleqqussarlugu, taamaalilluni kommunip soqutigisaqaqatigiillu allat kissataat naammassillugit, Martin Sandy Shalmi nassuiaavoq. Taassuma nuliani Jeanette Sandy Shalmi peqatigalugu suliniut, ingerlatseqatigiiffimmi Prime View Aps.-imi katersorneqarsimasoq, suliarisimavaa.

Aviisimi AG-mi atuarnerusinnaavutit. Aviisi uani pissarsiariuk:

Kommunalbestyrelse asfaltiliorfik pillugu isummissapput

Saliinermi aningaasartuummik missingersuutaanngitsumik nassaartoqarpoq

Ukiut marluk matuma siorna sermersooq.gl-imi atuarneqarsinnaasimavoq Kommuneqarfik Sermersooq...

Borgmesteri taarsigassarsiassat milliardit pilgit: Aaqqiissutissani eqqarsaatigineqarsinnaasuni pitsaanerpaaq

Aningaasartuutissat nutaat matumani pineqanngillat – pitsaanerusuminguna aningaasalersuinissaq pineqaannartoq

Nuup qeqqani nunatsinni meeqqat atuarfiisa annersaat...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER