Nuummi ikuallattoqartoq: Arnaq ataaseq ajunaarpoq
Marlunngornermi ullaakkut Nuummi inissiami Ceresvejimi ikuallattoqarpoq. Arnaq ajoqusersimasut nakorsiartarfiannukaanneqartoq toquvoq, politiillu suliaq pasinartumik toqusoqarneranik misissuiffigaat.
Marlunngornermi ullaakkut nalunaaqutaq 07.26, Nuummi Ceresvejimi blokkini pisoqqani ikuallattoqarneranik Kalaallit Nunaanni Politiit nalunaarfiginqarput.
Qatserutit arlallit tassaniipput, arnarlu ataaseq inissiamiissimasoq ajoqusersimasut nakorsiartarfiannukaanneqartoq, pigaartut pisortaat ilisimatitsivoq.
- Maanna qanoq innera oqaatigisinnaanngilarput, kisianni amerlasuujulluta tassani suliaqarpugut, pujorsiortullu ikuallassimasup annertussusaa misissuleruttorpaat, Kalaallit Nunaanni Politiini pigaartut pisortaat Jørgen Madsen, Sermitsiaq.AG-mut oqaluttuarpoq.
Qatserisartut qamitsinerannut atatillugu arnaq tassaniittoq toqusimasoq, politiit maanna ilisimatitsipput.
Politiit suliaq pasinartumik toqusoqarneranik misissuiffigaat, maannakkorpiarlu suliamut tunngatillugu allamik oqaaseqarsinnaanngillat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...