aqqusinniorneq

Nuummi ikaartarfiliaq akiliisinnaajunnaarnermit eqqugaasoq

Polenimi ikaartarfiliortussaagaluaq, Nuummi ikuallaaviup saavani nermallammut sapusiamit atassusiisussaagaluaq akiliisinnaajunnaarluni nalunaaruteqarpoq, Sermitsiaq.AG taama tusagaqarpoq.

Broen, der skal forbinde den nye vejdæmning langs lystbådehavnen med fjeldet over for Malik og forbrændingsanlægget, kan ende med at blive forsinket, fordi leverandøren af broarbejdet har indgivet konkursbegæring.

Danskit suliffeqarfiutaat sanaartugassanik suliaqartartoq Per Aarsleff A/S, Polenimi suliffeqarfimmut isumaqatigiissuteqartoq, pilersaarutit malillugit ikaartarfiup ilaanik assigiinngitsunik svejserilluni aallartereertussaagaluarpoq, pilersaarullu malillugu ikaartarfik umiarsuarmik tikisinneqartussaagaluarpoq, taamaalilluni 2018-imi aggustimi-septembarimi katiterneqarlunilu ikkussorneqartussaammat.

Oqaaseqarusunngitsoq
Per Aarsleffimi tamakku pisut pillugit oqaaseqartoqarumanngilaq.

Polenimi ikaartarfiliap pisataanik pilersuisup akiliisinnaajunnaarluni nalunaaruteqarnera Nuummi suliniummut qanoq sunniuteqassava?

- Oqaaseqarfiginianngilara. Qanorsuaq apeqquteqarsinnaavutit, kisianni oqaaseqarnianngilanga, sanaartugassanik suliaqartartumi Per Aarsleffimi suliniummik ingerlatsisoq, Niels Roesgaard ilisimatitsivoq, taanna Aarhusip eqqaani Hasselagerimi pingaarnertut allaffeqarfeqarpoq.

2019-imi septembarimi piariissasoq
Piffissaliussamut pilersaarutaasoq malillugu ikaartarfissaq septembarimi 2019-imi ammarneqarnissaa naatsorsuutigineqartoq, Kommuneqarfik Sermersuumi teknikeri aqutsisoq Christian Dyrbjerg Andersen ilisimatitsivoq.

- Suliniut siuariartortorujussuuvoq. Aap, allaat ikuallaaviup saavani nermallaap suliarineqarneranut atatillugu siusinaaqqavugut, Christian Dyrbjerg Andersen, aqquserniap 147 millionit koruuninik akeqartoq pillugu taama ilisimatitsivoq.

Qaaqqap 118.000 kubikmeteri ujarattai qaartinneqarsimasut nuullugit sapusiarineqarnikuupput. Nermallaap eqqaani qaqqaq tamakkerlugu peerneqanngilaq, kisianni sinnerata peerneqarnissaa pilersaarutaavoq, taamaalilluni nermallak qanilliartorlugu Qinngorpumi biilertut sapusiaq aamma ikaartarfik kiisalu Malik takusinnaaniassammassuk.

Ilioraavik
- Nermallaap eqqaani sumiiffik ujaqqanik qaartitanut ilioraavittut utaqqiissaa atorneqarnissaa pilersaarutaagallarpoq, kommunimi teknikeri aqutsisoq ilisimatitsivoq, taassumalu suliniut sanaartugassanik suliniuteqartartunut assigiinngitsunut suleqatigiinnut suliassanngortinneqarsimanera nuannaarutigaa, tamannalu nunatsinni suliffeqarfinnik suliassaqarnerannik qulakkeerinnippoq.

Sapusiaq aamma nermallak asfaltilersugaq nutaaq takullugit suliniutip naammassingajalerneranik isumaqarnarsinnaapput. Kisianni suli naammassilinngilaq.

Tassani aqqusinniorneq aamma ikaartarfik kisimik suliarineqassanngitsut, Christian Dyrbjerg Andersen nassuiaavoq. Innaallagissamut aamma erngup kuuffii ikkussorneqassapput.

Immap naqqa suliareqqaagassaq
Immap naqqata sapusiap nutaap oqimaassusaanik nammataqarsinnaaneranik naliliiniarneq aamma suliaq annertusimavoq. Tassani immap naqqa qillerlugu misissuisoqartariaqarsimavoq, tamannalu kinguaattuulaarsimavoq, ilisimasallit tamarmik Danmarkimi aamma Tysklandip akornanni aqqut Femern ulapputigalugu misissuinerat pissutaalluni.

- Immap naqqa allanngorartoq paasinarsivoq. Ujaqqat qaartitat immap naqqanut iliorarlugit aaqqiiffigineqarpoq, piffissallu ingerlanerani immap naqqani allanngorartoq iluarsilluni allanngorarunnaartinneqarpoq, Christian Dyrbjerg Andersen nassuiaavoq.

Piffissaliussaq aamma akiliisinnaajunnaarneq
Polenimik suliassap pisataanik pilersuisup akiliisinnaajunnaarnerata suliniummut qanoq sunniuteqarsinnaaneranut isumaliuutersuuteqarnissani kissaatiginngilaa.

- Per Aarsleff isumaqatigiissuteqarfigaarput, piffissaliussamut pilersaarut malinneqarnissaa naatsorsuutigaarput, kommunimi teknikeri aqutsisoq Sermitsiaq.AG-mut oqarpoq.

Powered by Labrador CMS