Skip to main content

Nuummi eqqumiitsuliortut suliffigiutigalugu najugaqarfigisinnaaligassaannut 70-it sinnerlugit qinnuteqarput

Periarfissamik tassannga atueqqaartuusussanngorpoq saameq norgemioq mersukkanik assassortartoq, perngaammik saqqummersitsisussanngortoq Nuummi Eqqumiitsualinik Katersugaasivimmi najugaqaatigaluni

Qinnuteqartunik toqqaallutik aalajangiisuusussaasimapput NAPA, Nuummi Eqqumiitsulianik Katersugaasivik aamma eqqumiitsuliortoq Ivínguak Stork Høegh, nunani avannarlerniik qinnuteqarsimasut 72-it akornanni ataaseq toqqarsimalerpaat, tassaasussaq siullersaalluni Nuummi Eqqumiitsulianik Katersugaasivimmi unnuerngaartussaq. 

Taannalu tassaavoq Marte Lill Somby, Nordens Institut i Grønland (NAPA) taama ilisimatitsivoq.

Isiginnaagassiaaqqanik eqqumiitsuliortoq
Marte Lill Somby Norgep ilaani Saamit Nunaanneersuuvoq, Tromsømi Academy of Contemporary Artsimi eqqumiitsuliortutut ilinniarsimasuusoq. Atortussiat assigiinngitsut atorlugit eqqumiitsuliortartuuvoq, soorlu qisuit, siilikimik naqitat, titartakkat, isiginnaagassiaaqqat, assilisat aamma inimi saqqummersitsivimmi isersimaffimmi pinnersaaneq eqqumiitsulioriaatsitut ingerlallugu.

Marte Karasjokimi Tromsømilu Norgemi peroriartorsimavoq. Nuummiinnermi nalaani katersugaasivimmi najugaqarnermini takorloorpaa kissaatigalugulu kalaallit saamillu kinaassusaannik ataatsimoorussaannillu aallavilimmik suleriuseqarniarluni.

Nunanit avannarlerneersunit soqutigineqartoq
- Tupinnaaannartumik nunani avannarlerni nunaniik Kalaallit Nunaaliarnissaq soqutigineqarsimaqaaq nammineq allallu eqqumiitsulioriaasaat atorlugit eqqumiitsuliornissaq siunertaralugu,
Mats Bjerde, NAPA-mi pisortaq oqaaseqarpoq. 

– NAPA-p nuannaarutigeqaa periarfissiisinnaasimanini eqqumiitsuliortutullu najugaqarfiusinnaasumik pilersitsilluni qilanaarput nunat avannarliit akunnerminni periarfissanik ammaassisussanik suleqatigiissinnaanerup aamma tungaatigut, eqqumiitsuliornikkut kinguneqarluarsinnaasunik.

Qinnuteqartut 70-it sinneqartut
Ataatsimiititaliaq toqqaaviusussaq 65´nik qinnuteqartunik nunani avannarlerni nunaniik arfineq-marlunniit aamma nunani baltiskiusuniik (Norge, Qallunaat-Nunaat, Sverige, Finland, Island, Letland Lithauenilu) saniatigut qinnuteqaatit arfineq-marluk Ungarnimiik, Tuluit-Nunaanniik, Scotlandimiik, Frankrigemiik, Canadamiik Philippiineriniillu.

- Arlalitsigut Kalaallit Nunaat nunaavoq imaaliallaannaq tikinneqarsinnaanngitsoq, inukitsoq isorartoorlu. Orninnera akisusarpoq aamma Kalaallit Nunaanni najugassarsiorniarneq imaannaanani, Nuummi eqqumiitsualinik katersugaasivimmi pisortaq, Nivi Chistensen oqarpoq.

Uku sinaakkuttat eqqumiitsuliortunut arlariinnut periarfissiisussaapput, nunap eqqumiitsuliortuinik attaveqarsinnaanngorlutik, ilinniartunik inuinnarnilluunniimmi eqqumiitsuliornermik piorsarsimassutsikkullu soqutigisalinnik naapitsinissamut aammaassisuusussaavoq, taamaalilluni suleqatigiilluni pilersitseqatigiinnissamut aamma periarfissanik ammaassisuussalluni.

Sisamariarluni ingerlatsinissaq
Massakkorpiaq nutaaliaq Kulturkontakt Nord Kunstnerresidens aningaasassaqarpoq aasaanerani 2017-imi sisamariarluni ingerlatsinissaminut najugaqartitsilluni avataaneersumik tamaaniumiumik najugaqateqartiutigalugu. 

Pinerit tamaasa illoqarfimmeersunik tusarnaartitseerarnermik, pikkorissaanermik, saqqummersitsinermik, eqqumiitsuliortulluunniit illoqarfimmi ingerlatsiviit arlaallu suleqatigiinnerannik imaqartinneqartassapput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER