Skip to main content

Nuummi coronap nalaani inuit 75-it nutaamik suliffeqalerput

Coronap nalaani suliffeqarfiit arlallit matoqqasariaqarsimaneranni sulisut ilaat soraarsitaasariaqalersimasut, allamik suliffittaartinniarlugit Kommuneqarfik Sermersooq iliuuseqapallassimavoq.

Nuummi coronap ajornartoortitsinerata nalaani suliffeqarfiit matusariaqalerlutik sulisut ilaannik soraarsitsisariaqalernerisa nalaanni, Kommuneqarfik Sermersuup suliffissaaleqisut amerlanerulinnginnissaat anguniarlugu suliffissaqartitsilertornissamik suliniuteqarsimapput.

Inuit 302-t Nuummi suliffissaaleqisutut tallimanngorneq maajip 15-at nalunaarsorsimapput. Tassa martsip aallartinneranit inunnik marlunnik amerlanerulersimallutik. Kommunip nalilerpaa coronamik nalaassineq illoqarfiit pingaarnersaanni anigorneqarluartoq, Kommuneqarfik Sermersuup nalilerpaa.

- Inuiaqatigiinni unittoortoqarnerata nalaani sulisuvut innuttaasunik, suliffimminnik annaasaqarsimasunik suliffissarsiuussillutik ulapaarsimapput, borgmester Charlotte Ludvigsen (IA) oqarpoq.

Neriniartarfinni soraarsitsisariaqarsimanerit, toqqaannaq oqaatigalugu, aalisakkerivinni niuertarfinnilu iluaqutaasimapput.

Kommuni ilisimatitsivoq aalisakkerivinni niuertarfinnilu sulisussarsiortoqartuaannartoq. Coronamik ajornartoornerup nalaani suliffeqarfiit sulisussarsiortartut sulisussaqartinneqarsinnaasimapput.

Akunnialunni suliffissaaleqisut

Nuummi coronavirusimik napparsimasoqalerneranili kommunip suliffeqarfiit attaveqarfigai.

Kommuneqarfik Sermersooq tusagassiuutinut nalunaarutimini ilisimatitsissutigaa suliffissaaleqisutut nalunaarsimasut sukkasuumik innersuussinnaasarsimallugit.

- Ukiuni tallimani kingullerni suliffeqarnermut immikkoortortaq sunniuteqarluarsinnaasoq sukkasuumillu sullissiffiusoq pilersinneqarsimavoq, suliffissaaleqisunik pilertortumik sulilersitsiffiusinnaasoq. Ilaatigut tamakkuupput Kommuneqarfik Sermersuumi suliffissaaleqinerup annikinnerpaaffianiititsisuusut, aammalu Coronamik nalaataqarnerup nalaani kommunitsinni suliffisaaleqinerujussuarmik kinguneqartitsinngitsut​​​​​​​, Charlotte Ludvigsen oqarpoq.

Nuummi ullumikkut suliffissaaleqisut siorna maajimi suliffissaaleqisunit ikinnerupput.​​​​​​​

Kommunip Sermitsiaq.AG-mut ilisimatitsissutigaa Nuummi suliffissaqartitsiniarluni suliniuteqapallattoqarsimasoq matoqqagallartoqarnera pissutigalugu.

Kapisilinni innuttaasut tusaaniarneqartut
Borgmesteri Charlotte Ludvigsen kommunimiillu sulisut Kapisilinnut tikeraamata Illu sullivik inunnik ulikkaavippoq. Kapisilinni ilaatigut takornariaqarnermi inuussutissarsiornermilu periarfissat...
Sermersuumi Nipilersornermik Ilinniarfiup meeqqat corona pillugu musikvideoliortikkai
Piffissap sungiusimanngisatta ingerlanerani arlaqarpugut ulluinnarni nutaanik ileqqoqartariaqarlutalu sungiussisariaqartut. Meeqqanittaaq tamanna misigineqarpoq, ilaatigut Coronaqarnerani...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER