Nuummi bussit nutaat
Nuup Bussii illoqarfimmi bussinik nutaanik pingasunik bussiutitaaqqammerpoq, taakkulu Nunatsinni pissutsinut naleqqussagaallutik.
Nuup Bussiisa illoqarfimmi bussit nutaat pingasut tigoqqammerpai. Bussit ataasinngormat Nuummut apuunneqarput.
Illoqarfiup bussii nutaat taaguuteqarput MAN Lion’s City, VW-millu pigineqartumit suliffeqarfissuup MAN-ip bussiliorfiani Tyrkiami Ankaramiittumi sananeqarlutik.
- Bussit 82-inik ilaasoqarsinnaapput. Ukiuni 12-ini atuussinnaassasut naatsorsuutigaarput, Nuup Bussiini ingerlatsinermut pisortaq René Hansen ilisimatitsivoq.
- Aamma atorluarneqartussaassapput. Nuup Bussiisa ilaasorisartakkamik ukiuni kingullerni amerliartorluarnerat maluginiarpaa. Taamaattumik maannangaaq bussinik MAN-inik nutaanik tallimanik sanatitsinissamut isumaqatigissusioreerpugut, siullerlu 2023-mi tunniunneqassalluni, ingerlatsinermut pisortaq oqarpoq.
Immikkut oqorsakkat
- Illoqarfimmi bussit nutaat Kalaallit Nunaanni pissutsinut naleqqussagaapput, iikkamikkut natimikkullu immikkut oqorsagaallutik, soorlumi aamma natii qerisinnaanngitsut, tuniniaanermut pisortaq Jesper Mathiesen MAN-imeersoq oqarpoq.
Qanorpiaq akeqarnersut ingerlatsinermut pisortap aamma tuniniaanermut pisortap oqaatigerusunngilaat, illoqarfiulli bussia nalinginnaasoq dieselitortoq nalinginnaasumik millionit koruunit marluk affaanik akeqartartoq, Jesper Mathiesenip ilisimatitsissutigaa.
Taanna mekanikerinik arlaqanngitsunik ilaqarluni sapaatip akunnerani tullermi Nuuliassaaq, Bussit nutaat teknikikkut atortorissaarutaannik Nuup Bussiisa mekanikeriinut ilinniartitsiartorlutik. Aatsaat tamanna pereerpat bussit nutaat illoqarfiit pingaarnersaanni aqqusinertigut ingerlaalissapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...