Nuummi biilit aserorteriffigineqartut
Inuk kinaaneranik ilisimaneqanngitsoq imaluunniit inuit arlallit kinaaneranik ilisimaneqanngitsut Nuussuarmi biilit igalaavinik sequtserisimapput. Biilinik piginnittut pingasut politiinut suliassanngortitsillutik maannamut nalunaarsimalereerput.
Biiliutillit arlallit pingasunngornermi ullaakkut nuannerpallaanngitsumik paasisaqarput. Inummi kinaanera ilisimaneqanngitsoq imaluunniit inuit arlallit kinaaneri ilisimaneqangitsut, Nuup illoqarfiata ilaani Nuussuarmi biilinik aserorterisimapput.
- Suliami malissinnaasatsinnik nassaanngilagut, pasisaqaratalu, Kalaallit Nunaanni Politiivini pigaartut pisortaat, Henrik Vedel Sermitsiaq.AG-mut ilisimatitsivoq.
Biilit igalaavi matuiniittut aserorterneqarsimapput. Biiliutillillu pingasut aserorterisoqarsimaneranik suliassanngortitsillutik politiinut nalunaareersimasut, Kalaallit Nunaanni Politiit ilisimatitsipput.
Suli paasiniaasoqanngilaq
Kalaallit Nunaanni Politiivini pigaartuni pisortaq ilisimatitsivoq suliami suli paasiniaasoqalinngitsoq. Tassunga pissutaavoq suliat allat pinartuunerusut maanna ingerlanneqarmata.
- Periarfissaneriarutta biilinut aserorterisoqarsimaneranut suliat paasiniaaffigalugit aallartissaagut, Henrik Vedel ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...