Nuummi atuarfinni suli nerisitsisoqartassasoq

Nuummi atuartut atuaratik angerlarsimaffimminni paarineqartut, atuarfimmukarlutik nerisassaminnik suli piniarsinaapput.

Meeqqat atuartut, atuarfiit matoqqagaluartut aamma sulisariaqartunik allatullu paarsisussarsisinnaanngitsunik angajoqqaallit kisimik atuariartorsinnaatitaagaluartut suli akeqanngitsumik nerisaqarsinnaatitaapput, Kommuneqarfik Sermersuup nalunaarutaani tamanna atuarneqarsinnaavoq.

- Pilersuisutsinnut isumaqatigiissutigisimavarput, meeqqanut ajornartoornermi paarineqartunut nerisassanik ullut tamaasa aggiussisassasut, aamma atuarfiit tamarmik immikkut saniatigut nerisassanik tunineqartassasut, tassa meeqqat neriartuinnarlutik atuarfimmukartussat aamma nerisassaqartinniarlugit, Meeqqanut Atuarfeqarnermullu Ingerlatsivimmi pisortaq Lone Nukaaraq Møller oqaluttuarpoq.

Sumiginnaarusunngitsut

Borgmesterip Charlotte Ludvigsenip sooq taamatut periarfissiisimanertik imatut nassuiarpaa:

- Ajoraluartumik nassuerutigisariaqarparput, kommunitsinni meeraqarmat atuarfimmi nerisitsisarnermik pinngitsuusinnaanngitsunik. PIffissami silarsuup allanngorfiani, aamma toqqissisimanngereerfianni imminiiginnassagutsigit naammaginarnavianngilaq.

Kommuneqarfik Sermersooq atuarfinni tamani atuartut 20-t angullugit nerisitsisinnaavoq. Amerlanerilli pisariaqartitsisut paasinarsippat, amerlanerit nerisassaannik kommuni isumaginnissaaq. Nerisassat taquatut poortorneqartassapput, meeqqat taamaalillutik nerisassat angerlaallugit nerisinnaassavaat.

Kommunimi meeqqeriviit tamarmik aamma ajornartoornermi paaqqutarinninnissamut aaqqissuussaqarput. Meeqqerivinni sulisut tassani nerisitsisarnermik aaqqissuussissapput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS