Nuummi atuarfik ikuallattoq: Ikuallattoq qaminneqarpoq ajoqusertoqarsimanngilarlu
Kangillinnguit Atuarfiat marlunngornermi ullup-qeqqata siornatigut ikuallalersimavoq. Atuartut tamarmik atuarfimmit anisinneqarsimapput, ullormilu ilinniartitsinissast tamarmik taamaatiinnarneqarmata angajoqqaat meeqqaminnik aalleqquneqarsimallutik.
Kangillinnguit Atuarfiat marlunngornermi ullup-qeqqata siornatigut ikuallalersimavoq. Politiit qatserisartullu takkussimapput, qatserisartullu ikuallattumik qamitsisimallutik, politiit tusagassiorfitsigut nalunaaruteqarlutik ilisimatitsipput.
Kommuneqarfik Sermersuumi upalungaarsimasut pisortaata Jes Damgaardip Sermitsiaq.AG-mut oqaluttuaraa, atuartut anitsiarneranni inimi atuartitsiffiusartumi ataatsimi ikuallattoqalersimasoq.
- Atuarfimmit malittarisassat malinneqarsimapput ajunngilluinnartumillu pisoq isumagineqarsimalluni. Suli ikuallassimasumiippugut, erngullu aqqutaanik qaartoqarsimammat ajoqutaasut aaqqiiffiniarlugit suliaqarluta, upalungaarsimasut pisortaat oqarpoq.
Atuarfik ullup sinnerani matoqqassasoq
Politiit ilisimatitsissutigaat, meeqqat tamarmik silamut anisimasut ajoqusertoqarsimanngitsorlu, ikuallannerali qanoq pilersimanersoq suli ilisimaneqanngitsoq oqaatigalugu.
Kommunimit ilisimatitsissutigineqarpoq, ini atuartitsiffiusartoq ajoqusersimasoq, ikuallattoqalermallu kalerrisaarut aallarsimasoq.
-Ikuallattoqarnerata kinguneranik atuarfik ullup sinnerani matoqqassaaq. Ullumi ullup ingerlanerani aqagu atuartitsinerup qanoq ingerlanneqarnissaa pillugu angajoqqaanut ilisimatitsissuteqassaagut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...