Nuummi atornikuerniarfik atorluarneqartoq
Kommuneqarfik Sermersuup atornikuerniarfia Atoqqik Nuummi innuttaasunit atorluarneqarpoq.
Atoqqik, Nuummi atornikuerniarfiusoq februaarip qaammataata qiteqqunneqarani ammarneqartoq, ukiup affaata ingerlanerani atorluarneqalersimavoq.
Atoqqimmit nalunaarutigineqarpoq, Nuummi atornikuerniarfik atorluarneqartoq, Kommuneqarfik Sermersooq nittartakkamigut allappoq.
- Innuttaasut amerlasuut atornikuerniarfipput atortarpaat. Innuttaasunit pequtinik atortunillu tunineqartarpugut kisianni aamma illoqarfimmi suliffeqarfinnit assigiinngitsunit, avatangiisinut siunnersorti Arnaaraq Petersen oqarpoq.
- Nammineq pequtit atortullu pigisat pigiinnarusunngikkaanni, eqqagassanik tigooraavimmut tunniunneqassapput. Uani qulakkeerneqassaaq pequtit atoqqinneqarnissaat atorneqartussaanngitsullu iginneqassapput. Siunertaraarput pequtinik atortunillu eqqaaginnarata atoqqiinissarput taamaalilluta avatangiisinik mianerinnissagatta, taanna oqarpoq.
Pequtit angisuut piumaneqarluartut
Avatangiisinut siunnersortip oqaluttuaraa, pequtit anginerit, soorlu sofat, siniffiit nerriviillu atornikuerniarfimmut tunniunneqakkajuttut. Pequtit taakku piumaneqarluartarput.
Atoqqimmi pequtit atoqqitassat soorlu sofat, siniffiit, ilisiviit, issiaviit qulliillu aamma allat atortut soorlu angerlarsimaffimmi atorneqarsinnaasut pisiarisinnaavatit.
- Ilisivinnik, sofanik, allaffimmi nerrivinnik siniffinnillu inuit aggiussisarput. Igaffimmi atortunik arlalinnik aamma pissarsisarpugut. Elektronikkit tigoorartanngilagut ajoquteqannginneri qulakkeersinnaannginnatsigu. Amerlanerit akeqanngitsumik aaneqarsinnaapput, ilai akikitsuaranngorlugit tuniniartarpagut, annerpaamillu 300 koruuneqartarput, Arnaaraq Petersen oqarpoq.
Atornikuerniarfik marlunngornermi arfininngornermilu ammasarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...