Nuummi aqqusinermi misissuineq annertooq
Illoqarfiit pingaarnersaanni biilertartut pissusaat allanngorsimanersoq, aqqusinermi misissuinerup nutaap takutissavaa.
Aqqusinermi misissuineq annertooq maajimi/juunimili ingerlanneqartoq, pilersaarusiornermut pisortap Bilo Stigsenip Sermitsiaq.AG-mut ilisimatitsissutigaa.
Biilertartup eqeersimaartup ledningerpassuit marlukkaartut illoqarfimmi aqqusinermiittut malugisimassavaat.
- Aqqusinermi misissuinerup inernera pissangalluta utaqqivarput. Illoqarfimmi angallannermi malunnaatilimmik allanngortoqarsimanersoq taassuma paasinarsisissavaa, Kommuneqarfik Sermersuumi pilersaarusiornermut pisortaq, Bilo Stigsen, Sermitsiaq.AG-mut taama oqarpoq.
Aggustimi inernera paasineqassaaq
Aqqusinermi misissuinermit kisitsisit misissoqqissaarneqassasut, pilersaarusiornermut pisortaq ilisimatitsivoq, uuttortaanerniillu inernerit aggustimi pissarsiarineqassapput.
Kommuni siornatigut aqqusinermi misissuisareerpoq, nutaamillu uuttortaanikku illoqarfiup aqqusernginik atuinermi malunnaatilimmik allanngortoqarsimanersoq takuneqarsinnaassaaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...