Skip to main content

Nuummi aqquserngit iluarsaanneqassasut

Kommuni qaammatip tulliani aqqusinernik iluarsaassilerpat, illoqarfiit pingaarnersaanni biilertartorpassuit aqquserngiortoqarnera malugisassavaat. Arriillillusi ingerlasarisi immissinnullu mianeralusi, kommunimit kaammattuutigineqarpoq.

Illoqarfiit pingaarnersaanni aqquserngit upernaamut piareersarneqarnissaat piffissanngorpoq. Ukiuunera sumiiffinni arlalinni aqqusernernut pisarnertut ajoqusiisarpoq, taakkulu iluarsaanneqassapput. Taamaammat kommunimi sulisut qaammatip tulliani aqqusinerni sulissapput, tamatumalu malitsigisaanik tulleriaattoqarnerulissaaq.

Kommuneqarfik Sermersuumi Ingerlatsinermut Avatangiisinullu Ingerlatsivimmi pisortap Frank Rasmussenip erseqqissaatigaa, sulineq sapinngisamik biilertut akornutaatinnaveersaarlugu ingerlanneqassasoq.

- Sapinngisamik akornusersuinaveersaarniarluta sulinerput naleqqusarniarsarissavarput. Taamaammat unnukkut unnuakkullu aamma angallaffiunerpaat avataasigut ilaatigut sulisoqartassaaq, taanna oqarpoq.

Ingerlatsinermut pisortap nassuiaatigaa, aqquserngit sorliit qaqugulu iluarsartuunneqassanersut oqaatigineqareersinnaanngitsoq, suliassat ilaannut sila apeqqutaasussaammat.

- Assersuutigalugu kaajallattariaq ataaseq aqqusinerluunniit immikkut iliuuseqarfigalugulu piffissaqarfigineqartariaqartoq suliarineqassappat, sulineq aallartitsinnagu nalunaaruteqartassaagut, inuit pilersaarusiorsinnaaniassammata, Frank Rasmussen oqarpoq.

Pisuinnaat mianeralugit

Sulineq soorunami piffissani sivikitsuni biilinik tulleriaalersitsisassaaq aamma aqquserngit ilaat matuneqartassapput, taamaammat biilertartut naammagittarlutillu paasinninnissaat pisariaqarpoq.

- Amerlanerpaat sulisunut paasinnittarput, ilaqartarpulli sukkasuumik sanioqquttartunik. Sulisut aqqusinerni sulitillugit sukkavallaamik ingerlasoqarnerani inuit ulorianartorsiortinneqartarput.

Sumiiffiit ilaanni angallattut sikkilertut pisuinnaallu aqqutaatigoortinneqartassapput, taamaammat biilertut pisuinnaat sikkilertullu immikkut eqqumaffigisariaqarpaat.

Tamanna pissutigalugu Frank Rasmussenip kaammattuutigaa, sukkavallaamik ingerlasoqartassanngitsoq mianersorlunilu ingerlasoqartassasoq.

 

Pilersaarutaasumik ikuallaavimmik matusineq

Nalunngiliuk ikuallaavik matuneqartartoq ukiumut pingasoriarluni?

Taamaaluiortarpugut ikuallaavik ukiup sinneranut ingerlanissaanut qularnaarniarlugu, taamaaligaangallu...

Tuttunniarnissamut akuersissutit pissarsiarineqangajalerput

Illit tuttunniarnissamut akuersissummik pissarsinissannik neriuuteqarlutit e-mailikkut pissarsinngitsoortut ilagippatsit, kisimiinngilatit. Tuttunniarnissamummi akuersissutit suli...

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER