Nuummi aqquserngit asfaltilersorneqalerput
Aputeqalinnginnerani aqquserngit iluarsaanneqarnissaat Kommuneqarfik Sermersuumit sulissutigineqarpoq. Qaammatini tulliuttuni aqquserngit asfaltilersorneqarnissaat naatsorsuutaavoq. Innuttaasut suliamut naammagittarnissaat kissaatigineqarpoq.
Nuummi aqqusinernik qapiaanerit maanna naammassipput, aqquserngillu asfaltilersorneqarnissaannik piareersariikkat suliarineqallattaalissapput, kommuni ilisimatitsivoq. Qaammatini tulliuttuni aqquserngit nutaamik asfaltilersorneqarneqartussanngorput.
Aqqusineq asfaltilersorneqannginnerani qapiarneqaqqaartussaavoq, asfalti qalleq piiarneqaqqaartussaalluni.
Ilisimasaarisoqartassaaq, assersuisoqassanngilarli
Nuummi aqquserngit ukioq 2022-mi asfaltilersorneqartussat tamarmik maanna qapiarneqarsimalerput.
- Innuttaasullu sumiiffinni taakkunani sissuerlutik angalanissaat kaammattuutigineqarpoq.
Asfaltilersuinissat akunnerit marluk iluanni ilimasaarutigineqartassapput. Piffissap sivikitsuinnaq atorlugu ilimasaartuigineqartarnissaannut peqqutaasut tassaapput asfaltilersuinnginnermi nalaatat arlaqartut apeqqutaasarneri. Tassani silap allanngorarsinnaasarnera apeqqutaangaatsiartarluni, kommuni ilisimatitsivoq.
- Aqqutit ingerlavigineqarsinnaasut nikisinneqartarumaarput, aqqutit suliarineqartut assivinneqartarnissaat naatsorsuutigineqanngilaq. Biilinilli angalasut kaammattorneqarput asfaltilersuiffiusukkut angalanaveersaartarnissaat, aammalu piffissani taakkunani naammagittartoqarnissaa kajumissaarutigineqarluni.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...