Skip to main content

Nuummi aningaasarsiortoqarpoq

Kalaallit Nunaata Naatsorsueqqissaartarfiata suliffeqarneq pillugu kisitsisaatini saqqummiuppai

Suliffeqarneq pillugu kisitsisaatigineqartut stat.gl-imi saqqummiunneqaqqammerput. Kisitsisita takutippaat 2012-imi qaammammut agguaqatigiisillugu inuit 25.501-it sulisartut. Kisitsit 2011-mut sanilliullugu nikeriarpallaanngilaq. 

Qaammammut agguaqatigiisillugu 25.227 koruuninik akissarsisoqartarpoq, 2011-miillu 2,9 procentimik qaffalluni. Qaanaami agguaqatigiisillu qaammammut 16.519 koruuninik akissarsiarineqartartut nuna tamakkerlugu annikinnersaajuvoq. Nuummut sanilliussagaanni agguaqatigiisillugu 30.662 koruuninnattoqartarpoq. 

Ivittuuni agguaqatigiisillugu annertunerpaamik akissarsisoqartartoq saqqummiunneqartumi takuneqarsinnaavoq. Qaammammut 40.679 koruuninnattoqartarmat. Maannakkulli Grønlands Kommando-simasoq maannakkut Arktisk Kommando-mik taajuuteqartoq Ivittuuniit Nuummut nuunneqarnikuuvoq. Taamaattumillu kisitsisit 2014-imoortut 2012-imoortuninngaanniit allaanerusussaapput.

Suliffeqarnermut kisitsisaatigineqartut allat stat.gl-imi takuneqarsinnaapput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER