savimmik kapisineq
Nuummi angut savilersorsimasoq ujaarineqartoq
Nuummi ataasinngornerup unnukkuani angut savilersorsimasutut pasineqartoq politiinit ujaarineqarpoq.
Inuk, kommunip allaffiata H.J. Rinks Vejillu akornanni, qungatsimigut kapineqarpoq.
Pasisaq
Kapitittoq pisuussuteqarani kapitissimanersoq, pingaartup Brian Thomsenip, Sermitsiaq.AG-mut oqaatigerusunngilaa.
- Suliaq suli paasiniaaffigingatsigit, annertunerusumik oqaaseqarfigisinnaanngilara, Brian Thomsen nassuiaavoq.
Politiit inuk savimmik kapisisimasutut pasillugu ujaarivaat, suliarlu toqutseriarsimanertut politiinit paasiniaaffigineqarpoq.
Eqqugaasoq angerlartitaasoq
Inuk toqqusaamigut kapitittoq napparsimavimmiit angerlartinneqareersimavoq peqqillunilu.
Saassussinermik takunnissimasut qinnuigineqarput politiit oqarasuaataannut 70 14 48 sianeqqullugit.