Nuummi angut kiffaanngissusiiaasimasutut pinngitsaaliisimasutullu unnerluutigineqartoq

Angut 30-t missaannik ukioqartoq arnamut nakuuserlunilu pinngitsaaliilluni atoqatiginnissimasutut sisamangornermi unnerluutigineqarpoq, unnerluussut naapertorlugu taassuma akunnerni arlalinni Nuussuarmi ataasinngornermi kiffaanngissusiiarsimavaa.

Leiff Josefsen

Merete Lindstrøm

sisamanng 23. uki 2023 12:54

Annonse

Sisamanngornermi angut 30-t missaannik ukioqartoq Nuummi eqqartuussivimmi tunngaviusumik killisiorneqarpoq, pisunilu pingasuni unnerluutigineqarpoq. Angut pingasunngornermi ullup qeqqata qaangilaarnerani politiinit tigusarineqarpoq.

Unnerluussutit pingasut

Pinerluttulerinermi inatsit

§ 88 Nakuuserneq : Nakuusernermut eqqartuunneqassaaq kinaluunniit piaaraluni inuup allap timaanik ajoqusiisoq imaluunniit innarliisoq. Taamatuttaaq pineqassaaq mianersuaalliorluni inummik allamik timaatigut peqqissusaatigulluunniit annertuumik ajoqusiisoq.

§77 Imm. 1 Pinngitsaaliilluni atoqatiginninnermut eqqartuunneqassaaq kinaluunniit 1) nakuuserluni imaluunniit nakuusernissaq sioorasaarutigalugu pinngitsaaliilluni kujannittoq allatulluunniit kinguaassiuutitigut atoqatiginnittoq

§ 92. Kiffaanngissusiiaanermut eqqartuunneqassaaq kinaluunniit piaaraluni allamik kiffaanngissusiiaasoq. Taamatuttaaq pineqassaaq mianersuaalliorluni iliuuseqartoq, kiffaanngissusiiaaneq annertuumik sunniuteqarsimappat imaluunniit sivisuujusimappat

Pisut marluk Nuummi 20. februar pisimapput, tassa uani sapaatip akunnerani ataasinngornermi, angut arnamik kiffaanngissusiiagaasimasutut pinngitsaaliillunilu atoqateqarsimasutut unnerluutigineqarpoq.

Allakkami unnerluussummi arnaq Nuummi suliffianut aasimavaa, pinngitsaalillugulku Nuussuarmi angerlarsimaffiliaassimavaa, akunnerillu marluk missaanni tigummisimavaa pinngitsaalillugulu atoqatigalugu, nakuusernissamillu sioorasaarlugu.

Atermik isertuussisut matoqqatitsisullu

Pisut pingajuanni unnerluussut siorna septembarimi Ilulissani pivoq, angutip tassani taanna arnaq Ilulissani imerniartarfiup silataani niaquatigut arlaleriarlugu tilluppaa, arnarlu ilisimajunnaarpoq.

Eqqartuussisup unnerluussisussaatitaasup kaammattuinera naapertorlugu aqqinik isertuussisoqarnissaa aalajangiuppaa, eqqartuussinermilu matut matoqqatinneqassallutik.

Taamaattumillu unnerluutigineqartup unnerluussutit qanoq qisuariarfiginerai imaluunniit eqqartuussiviup tigummigallagassanngortissimaneraa Sermitsiaq.AG-p ilisimanngilaa.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...