Nuummi Amutsivik nutaanut aningaasaliissuteqarniartoq
Nuuk Værft A/S sinneqartooruteqarsimavoq - taakkulu maskiinanut nutaanut atorneqassapput
Nuummi Amutsivik ingerlalluarpoq. Ingerlatseqatigiiffillu 2019-imi to millioner koruuningajannik sinneqartoorsimavoq aamma 25 millioner koruunit missaannik kaaviiaartitsisimalluni. Amutsivimmi pisortaaneq Knud Degn Karstensen oqaluttuarpoq.
Ingerlatseqatigiiffiup amutsivimmik piginnittup naatsorsuutigaa, 2020-mi aamma taamatut kaaviiaartitaqarnissaq, pilersaarutaanerarlugulu en million koruunit missaanniittut atortunut maskiinanullu nutaanut atorneqarniartut.
– Ilaatigut tukkaavinnik saviminernullu saattunut putulersuutit nutaat matumani pineqarput, tassa ingerlatsinermut pitsanngorsaasussat, pisortaq oqarpoq.
Nuuk Værft Sakgenimi Karstensen Skibsværftimut immikkoortortaavoq, Knud Degn Karstensen aamma tassani pisortaaneruvoq.
Nuummi amutsivik ullumikkut iluarsaassisarfittut taamaallaat atorneqarpoq.
– Kalaallit Nunaanni sisannik umiarsualiornissaq akisuallaaqaaq. Suut tamarmik nunamut assartorneqartariaqarput, tamannalu imminerut akilersinnaanngilaq. Umiarsuaatillit taamaammmat nunani allani, assersuutigalugu Danmarkimi umiarsualiortitsinissaq aalajangertarpaat, pisortaaneq nassuiaavoq.
– Kalaallit Nunaanni amutsiviit annersaat pigaarput, tassani umiarsuit 1800 tonsit angullugit oqimaatsigisut amuneqarsinnaapput. Sullitavut allanngujaatsuusut ilaatigut tassaapput Royal Greenland, Polar Seafood Royal Arctic Linelu. Taakkua saniatigut mikinerusunik umiarsuaatillit kilisaataatillillu Canadameersut sullittarpavut.
Ilanngutassiaq tamaat Sermitsiami atuaruk - ugguuna iserfigisinnaavat: