Skip to main content

Nuummi amerlasuunik sapaatiuppat kapuuisoqassaaq

Innuttaasut hunnorujulikkaat akiuussutissamik kapitinniarlutik sisamananngormat tunuleriisaapput. Akiuussutissalli naammanngimmata amerlasuut angerlartiinnarneqarput. Maanna amerlasuunik kapoorisoqalerpoq, tamanna pissaaq sapaatiuppat Inussivimmi.

Innuttaasut hunnorujulikkaat kapitikkiartortut sisamanngormat sivisuumik kapitinnissaminut utaqqereerlutik nal. 16.00 kapitinnatik angerlaannartariaqarsimapput. 

Tamannalu innuttaasunit amerlasuunit pakatsissutigineqarpoq. Innuttaasut akiuussusersorneqarnissaannut oqartussat namminneerlutik innersuussuteqaqattaarmata. 

Akiuussusersorneqarnissamut soqutiginninneq annertoorujussuunera peqqutaalluni maanna sapaatiuppat juulip 25-ani Inussivimmi nal. 10.00-imiit 18.00-ip tungaanut kapoorisoqassaaq. 

- Tunuleriiaattoqarnissaa pinaveersaartinniarlugu piffissani assigiinngitsuni akiuussusersorniakkat assigiinngitsut akiuussusersorneqassapput, oqartussat paasissutissiipput.

Akiuussusersoqarneqartussanut pilersaarut

Akiuussusersorneqarnissamut pilersaarusiaq, tassa kikkut qassinut kapitinnissaat arfininngorpat ullaap tungaani saqqummiunneqassaaq. Innuttaasut tusagassiuutit corona.gl-imilu alapernaanissaat oqartussaniit innersuussutineqarpoq. 

Innuttaasut akiuussusersorneqarusullutik utaqqisut sisamanngormat angerlartiinnarneqartut Sermitsiaq.AG-ip tallimanngornermi ullaakkut saqqummiuppaa. 

Tamannalu atuartartuniit qisuariaatigineqarpoq akiuussusersuisoqarfiillu pillugit naammagittaalliortoqarluni. 

nun.gl-imi uani malinnaagit.

Atuarfiit, paaqqinnittarfiit, AKO-llu matoqqasut nalunaarsorneri

Piffissap kingulliup ingerlanerani illoqarfimmi atuarfiit, paaqqinnittarfiit AKO-llu tuniluuttoqarnera peqqutigalugu matusariaqarsimapput. Taamaammallu meeqqat angerlarsimasussanngorlutik...

Aqqusineq Illerngit 2001 matoqqasimanissaa sivitsorpoq

Kalaallit Airports siusinnerusukkut nalunaarutiginikuugaluarpaat aqqusineq Illerngit 2001 oktobarip aallaqqaatani 2021-mi ammaqqittussaasoq. Taannali novembarip aallaqqaataanut...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER