Nuummi akunnittarfik nutaaq
Nuummi akunnattunik isertitaqartunut akunnittarfik nutaaq takornarianut arsarnernik takuniaasunut neqeroorutitsialaavoq. Aappaagu upernaakkut ammarnissaa pilersaarutaavoq
Takornarialerinermik ingerlatsivik Greenland Escape Nuummi akunnittarfiit nutaanersaanut sanaartulernissaminut piariilerpoq. Pisortaq Jesper Øraker taama oqaluttuarpoq.
Aviisi Sermitsiaq taama allappoq.
- Akunnittarfissaq 32-nik ineeraqassaaq. Ineeqqat tamarmik namminerisaminnik uffarfeqarlutillu perusuersartarfeqassapput, tamatigullu ullaakkorsiorneq ilaassalluni. Hotel Aroramik taaguuteqassaaq. Nuukullaap isuaniissaaq Niels Hammekensvejimut qanilluni, pisortaq oqaluttuarpoq.
- Akunnittarfik nunaannarmiorpaluttuussaaq sumiiffimmut inissisimaffigisaminut oqaluttuassartaanullu sammitinneqartoq, soorunamilu aqqata tikkuussineraniit arsarnerit pingaartinneqarlutik.
Sissaq sinerlugu pisuinnaat aqqutaanut
- Nuukullaap Niels Hammekensvejillu akornanni sissaq alutornarluinnartuvoq, takornariat periarfissaqassallutik silatinnguaminniit sissakkut pisuinnarnut aqqutikkoornissaminnut.
Akunnittarfissaq quleriit pingasuussaaq, pilersaarutaavorlu qullerpaamiit toqqaannartumik quassukkamut Nuukullaap Niels Hammekensvejillu akornanniittumut anisinnaanissaq. Pilersaarutaavortaaq quleriinnit qiterlermiit sissakkut pisuinnaat aqqutaanut Kommuneqarfik Sermersuup Nuup sissaa sinerlugu sanaartugaanut anisinnaanissaq.
- Aamma Kitsissunut isikkiveqarluni inissisimanera ukiumi arsarnernik isiginnaarfissaqqissuuvoq. Arsarnerit alutorineqarluartuupput, taamaattumik aamma akunnittarfik Auroramik taaguuserparput.
Jesper Ørakerip neriuutigaa 2021-imi upernaakkut akunnittarfissaq ammarsinnaassallugu.
Allaaserisaq tamakkerlugu aviisimi Sermitsiami atuarsinnaavat. Aviisi uani pissarsiariuk:
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...