Nuummi ADHD-ertut peqatigiiffittaarput
Tarnikkut nappaatilinnut nakorsaq, Kirsten Behnke ADHD-ertullu marluk Nuummi 15-inik ilaasortaqarlutik ADHD-ertunut peqatigiiffiliorput.
ADHD suua aamma qanoq misinnartarpa nappaamik paqumigineqartumi nappaateqarluni? Peqatigiiffiup nutaap ADHD-ip nappaatillu taassumunnga assingusut pillugit paasititsiniaanissani inuillu ADHD-mik nappaatillit qanigisaalu pitsaanerusumik atugassaqartinneqalernissaat siunnertaraa.
Ataatsimeersuarnermi peqatigiiffimmik pilersitsiffiusumi inuit 15-it ataatsimeeqqataapput, ataatsimeersuarnermi malittarisassat peqatigiiffimmilu siulittaasussaq siulersuisullu qinerneqarput.
- Peqatigiiffimmik pilersitsinissamut kajumissaarisoq Josephine Signe Damgaard Holding siulittaasussatut allanik unammillerterani qinerneqarpoq. Taanna siulersuisullu allat tallimat maanna peqatigiiffimmi susassaqartitsinerit suliassat ikinngeqisut suliarinissaat maanna akisussaaffigilerpaat, taama peqatigiiffittaaq tusagassiuutinut nalunaarumminni allapput.
Inuiaqatigiinni paasiuminaatinneqarneq
Peqatigiiffik pilersinneqannginnerani ADHD-ertut ataatsimiitsinneqarput, ataatsimiinermilu inuiaqatigiinni paasineqarnerunissaq pisariaqarluinnartoq eqqartorneqarluni.
- Amerlasuut nuannaarlutik oqiliallaqqapput allanik assingusumik nappaatilinnik naapisimaaneqaramik. Amerlasuut ADHD-mik nappaateqartik pillugu paasineqarneq ajornertik oqallisigaat aamma paqumigineqartumik nappaateqarneq eqqartorneqarpoq. ADHD-ertut sinnerlugit peqatigiiffiliornissaq amigaatigineqartoq oqariartuutigineqarpoq, Josephine Signe Damgaard Holding oqarpoq.
Facebookimi attaveqarsinnaaneq
ADHD-mik nappaatillit qanigisaasullu facebook aqqutigalugu attaveqarsinnaaniassammata peqatigiiffik Facebookiliorpoq. Facebookimi gruppe ima ateqarpoq: ADHD Kalaallit Nunaat.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...