Nuummi 17-it tunillatsissimasut – taakkunannga meeqqat aqqaneq-marluk
Sapaatip akunnerani ataatsimi Nuummi nutaanik tunillatsittoqarsimanani, marlunngornermi tunillatsissimasut nutaat 17-it paasineqarput. Meeqqerivippassuit sunnerneqarsimasut oqaatigineqarpoq.
Nuummi inuit 17-it Coronavirusimik tunillatsissimapput. Taakkunannga aqqaneq-marluk meeraapput, inersimasullu tunillatsissimasut tallimaasut meeqqanut tunillatsissimasunut angajoqqaajullutik.
Meeqqat tunillatsissimasut nutaat ulluunerani meeqqerivimmi Timmiaaqqaniiittartuupput, taamaammallu meeqqerivik suli matoqqatinneqarluni.
USK-imi atuartoq ataaseq aamma Coronavirusimik tunillatsissimasoq paasineqarpoq. Taamaammat klassimi atuartut angerlartinneqarsimapput, taakkulu angajoqqaavi kaammattorneqarput meeqqatik misissortikkiartussagaat. Atuartoq tunillatsissimasoq napparsimasimanngilaq aamma ippigisaqarsimanngilaq, oqartussat ilisimatitsipput.
Tivoli sunngiffimmilu aaqqissuussat sunnerneqarsimasut
Atuartoq tunillatsissimasoq sunngiffimmini AKO Narsarmiutamiittarpoq. Narsarmiutarlu taamaammat ullumikkut matugallarneqarsimalluni, angajoqqaallu meeqqatik misissortikkiartussagaat kaammattorneqarlutik.
Tunillatsissimasut ilaat septembarip tallimaani nalunaaqquttap pingasut-sisamat missaanni Nuup Timersortarfissuata eqqaani Tivolimiissimavoq. Ilaqutariit Tivolimiissimasut toqqaannartumik nalunaarfigineqassapput, kikkullu tamarmik namminneq meeqqamilluunniit tunillatsissimasumut qanillisimasinnaanerannik pasitsaassisimasut piaarnerpaamik misissortikkiartoqquneqarput.
Misissuisarfik ullumi marlup tungaanut ammassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...