Nuuk: Timmisartoqarfiup tungaanut aqqusineq qaammatini qulingiluani matoqqassasoq
Sapaatip akunneri pingasut missaat qaangiuppata Qinngutta kujataata tungaaniit timmisartoqarfimmut aqqut matuneqassaaq
Munck Gruppenip qaqqamik qaartiterinissaa Nuummilu timmisartoqarfissarsuup kujataata tungaani mittarfiup ilassaanik suliarinninnissaa eqqarsaatigalugit Qinngutta tungaanit timmisartoqarfimmut aqqut matuneqartariaqarpoq. Aqqusineq 2020-mi aggustusip 31-ata tungaanut matoqqassaaq.
- Matusinissaq pillugu upalungaarsimasunik kommunimillu suli oqaloqatiginnippugut, Kalaallit Airportsimi pilersaarusiornermi pisortaagallartoq pingasunngormat unnukkut illoqarfiit pingaarnersaanni innuttaasunut Hotel Hans Egedemi ilisimatitsissuteqarniarluni ataatsimiisitsinermi ilisimatitsivoq.
Bussit ingerlaartarnerannut sunniuteqassasoq
Taxartartut taamaalillutik isaatitsinerusalissapput, tassa timmisartoqarfiup avannaata tungaa kisimi timmisartoqarfiup tungaanut aqqutaalissammat. Aamma bussit 3-t ingerlaartarnerat sunnerneqassaaq. Qinngutsinnilu innuttaasut sisorarfiup nalaani sisorartartut majuartaataannukarniarunik aqqut ungasinnerusoq atortariaqartassavaat.
Mittarfiliorneq ingerlangaatsiareerpaat timmisartoqarfiup avannaata tungaani aqqusineq matuneqassaaq, taamanikkussamulli kujataata tungaani aqqusineq ammaqqinneqarsimassalluni.
- Aqqusernit taakku marluk ataatsikkut matoqqatinnianngilavut, Aviaaja Karlshøj Knudsen ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...