Nuuk: Sissaq atuarlugu aqqusineeraq sanaartorneqaleruttorpoq

Sissaq atuarlugu aqqusineerassap aallartiffissaa sanasut suliarileruttorpaat, taanna Nuutoqqamit kujammut ombudsmandip illuata tungaanut aqquteqalissaaq.

Sissaq sinerlugu aqqusineeraliornissaq sivisuumik oqaluuserineqarnikuuvoq, taamaalilluni pisuttarfitsigoorluni Nuutoqqamit sissaq sinerlugu pisuttuartoqarsinnaalissammat.

Maanna sanaartorneq aallartinneqareerpoq.

Majuartarfiit siulliit aamma pisuffissat takuneqarsinnaalereerput, taakku Nuummi innuttaasunut aamma takornarissanut nutaamik immikkut ittumik misigisassaqalersitsissapput.

Kommuneqarfik Sermersuup siunertaa ima oqaasertalerpaa:

  • Ajornanngitsumik aqqutigineqarsinnaasumik aamma sissami aqqummik pilersitsinissaq
  • Meeqqanut, inuuuttunut aamma utoqqarnut aqqummik misigisassarsiorfimmik immikkuullarissumik pilersitsinissaq
  • Pitsorluttunut aamma arpattartunut inissaqarnissaa
  • Innutaasut aalanissamut aamma silami pinngortitami illoqarfimmut qanittumi sammisaqarnissamut neqerooruteqarnissaq, taamaalillunilu Nuummi inuit peqqissusaannut pitsanngorsaaqataalluni
  • Ilusilersukkap aamma sanaartukkap kusanartuunissaa pingaartinneqassasoq kiisalu atoruminassasoq

Suliniutip aallartinneranut 6 millionit koruuninik aningaasanik immikkoortitsisoqarsimavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS