Nuuk: Sila pissutaalluni aputiliuutit atorsinnaanngitsut

Nuummi sisorartarfik ukioq manna ammassanngilaq. Aputiliuutit marluk atorneqaraluarput, silali ukioq manna uumisaarivoq.

Illoqarfiit pingaarnersaat ukioq manna aputaasappoq. Tamanna pissutigalugu sisorartarfik ukiutoqartinnagu ammassagunanngilaq. Ammassagaluarpammi aperujussuaqqaartariaqarpoq.

Sila uumisaarivoq

Sila atoruminarluinnarsimavoq, amerlanertigullu isseqanngingajattarluni. Tamanna isumaqarpoq sisorarfiup aputiliuutai marluk iluamik atorneqarsinnaanngitsut, taakkumi atorluassagunik arfineq-pingasunik annerusumilluunniit issittariaqarpoq, sisorarfimmi maskiinanik aqutsisoq, Isak Lindenhann ilisimatitsivoq.

- Anorlingaatsiartarnikuuvoq, taamaammaat aputiliuutit atorsinnaasimanngilagu. Silap uumisaangaatsiarpaatigut, maskiinanik aqutsisoq oqarpoq.

Norgemi sisorarfik, Nuummi sisorarfittut annertutigisoq taassuma assersuuteqarfigaa. Norgemi aputiliuutit 15-it sapaatip akunnerani ataatsimi unnuaq naallugu ingerlatinneqartarput sisorartoqarsinnaaniassammat.

Nuummi aputiliuutit taamaammat annikitsuinnarmik aputiliorsinnaapput, naak minutsimut imeq 150 liiteri atorneqartaraluartoq. Imeq qaqqami tasermiit pissarsiarineqartarpoq.

Aputeqalernissaa neriuutigaa

Sisorarfimmi sulisut, aputiliuutit atorlugit iliuuserisinnaasaminnik iliorput, nittaannerulernissaanilli neriuuteqarlutik.

- Aputeqalernissaa neriuutigaarput, januaarimi ammarsinnaaniassagatta. Piffissaq sivisungaatsiartoq atortariaqassavarput aputiliuutit kisiisa atussagutsigit, Isak Lindenhann oqarpoq.

Ukioq manna sisorarfik januaarimi ammassaaq, 2016-imi decembarimi ammarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS