Nuuk: Piniartoq Akiani ujaarineqartoq
Issittumi Sakkutooqarfik piniartumik tammaaneqartumik Nuup eqqaaniittumi Akiani sapaatiummat ujaasisimavoq.
Kalaallit Nunaanni Politiit Issittumilu Sakkutooqarfik piniartumik Nuup eqqaani sapaatiummat ujaasisimapput. Illersornissaqarfik ullormut nalunaarusiamini taamatut ilisimatitsivoq:
- Umiarsuaq alapernaarsuut Ejnar Mikkelsen Nuummi politiit Akiani Nuup eqqaaniittumi sapatiummat ujaasinerannut ikiuussimavoq, Illersornissaqarfik allappoq.
Ullormut nalunaarusiami atuarneqarsinnaavoq, ujaasineq sapaatiummat unnukkut unitsinneqarsimasoq, ataasinngornermili ullaakkut nangeqqinneqassasoq naatsorsuutigineqarluni.
Kalaallit Nunaanni Politiit ullaaq manna ilisimatitsipput, piniartoq ujaarineqartoq ajunngitsoq nassaarineqarsimasoq.
Pigaartut pisortaata Jan Geislerip oqaluttuaraa, ataasinngormat ullaakkut politiit angallataat qulimiguulli atorlugit ujaasinermi angut pineqartoq nassaarineqarsimasoq.
Pigaartut pisortaat naapertorlugu, angut piniarluni ingerlaarnermini sumiiffeerulluni tammartajaalersimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...