Nuuk: Peqqissuunissat neriuutigiuk - nakorsat piffissaateqanngillat
Peqqissuugit. Nuummimi Dronning Ingridip Peqqissaaviani nakorsat juunip sinnerani nakorsiartitsinissaminnut piffissaateqanngillat.
Nuummi innuttaasut utaqqisinnaasariaqarput peqqissuunissartillu neriuutigalugu. Dronning Ingridip Peqqissaavia facebookimi quppernermini nalunaaruteqarpoq juunip sinnera tamakkerlugu nakorsiarnissamut piffissat nungussimasut.
- Ajuusaarluta nalunaarutigissavarput juunimi nakorsamut piffissaataarukkatta, facebookimi quppernerani allaqqavoq.
Pinartoqartillugu nakorsiartarfik nalinginnaasumik ammatinneqarpoq, innuttaasullu tassunga nakorsiartut peqqissaasumit nakorsamilluunniit misissorneqartassallutik.
Takkutinngitsoortartut amerlavallaartut
Dronning Ingridip Peqqissaaviata ilanngullugulu nalunaarutigaa nakorsiarnissamut piffissamik tunineqarsimasut nalunaaqqaaratik takkutinngitsoortut amerliartortut.
- Qinnuigissavatsigit nakorsiarfissaraluannut takkussinnaanngikkuit nalunaassasutit, piffissaq taanna allamut tunniunneqarsinnaaniassammat, allassimavoq.
Innuttaasut pinartuunngitsumik napparsimasut peqqissaavimmut juulimi saaffiginnissinnaaqqilissapput, nakorsat piffissaateqaqqilissammata.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...