Nuuk: Peqqissaavik piffissatut inniminnikkanik tamanik atorunnaarsitsisoq

Ataasinngorneq martsip 23-at aallarnerfigalugu Nuummi nakorsiartarfimmut piffissat inniminnerneqarsimasut tamarmik atorunnaarsinneqassapput. Kigutit nakorsaanni pisariaqavissuinnaat aamma isumagineqartasssapput.

Coronavirusip tuniluunnerata siaruaannissaanik annilaanngateqarneq pissutigalugu pingasunngormat Nuuk matuneqarmat, illoqarfiit pingaarnersaanni peqqinnissatigut kiffartuussissutigineqartartunut arlalinnut kinguneqarpoq.

Illoqarfimmi nakorsiartarfiup – Dronning Ingridip Peqqissaaviata – inniminnerneqarsimasorpassuit atorunnaarsippai:

- Coronavirusip tunuluunnissaa pitsaaliniarlugu piffissatut inniminnikkat tamarmik ataasinngornermi marsip ulluisa 23-anniit atorunnaarsinneqarput. Nakorsamit takuneqarnissamik suli pisariaqartitsisutut imminut naliliivigigaanni Dronning Ingridip Peqqissaavia oqarasuaatikkut: 80 11 11 attavigeqquneqarpoq, Namminersorlutik Oqartussat pingasunngormat unnukkut tusagassiorfinnut nalunaaruteqarnermi allapput.

- Pisarissersuinerput ajuusaarutigaarput, taamaaliornissarli pisarialittut isigalugu, ilanngullugu allassimavoq.

Ullut tamaasa oqarasuaatip normuanut uunga sianernissaq: 80 11 11 suli periarfissaavoq.

Kigutileritinnissat pinasuagassaanngitsut tamarmik unitsinneqartut

Kigutileritinnissat pinasuagassaanngitsut tamarmik- meeqqanik inuusuttunillu kigutigissaaneq inersimasunut neqeroorutit ilanngullugit- pingasunngornermi marsip ulluisa 18-anni nal. 16.00 -imiit matuneqarput.

Nuummi pinasuartarialimmik kigutileritittussat oqarasuaatikkut: 80 11 10 nal. 7.30-ip 7.45-illu akornanni attaveqarsinnaapput.

Tamatuma saniatigut Dronning Ingridip Napparsimmavissuani pinasuartariaanngitsut tamarmik annikillineqarput.

- Tamaalillutik piffissaliussaasimasut tamarmik, kinguartinneqarsinnaanissaasa naliliiviginissaa siunertaralugu, misissorneqassapput, Namminersorlutik Oqartussat nalunaarutaanni allassimavoq.

Suliat pinasuartariallit ajornaquteqanngippat tamarmik ingerlanneqaannassapput. Tamanna nakorsaanerit nappaatinullu navianaatilinnut nakorsaanerit tamarmik pisarnertut ingerlanneqarnissaannik isumaqarpoq, ilanngullugu allapput.

Peqqinnissaqarfimmit pineqartut attavigineqassasut

Ullut tulliuttut ingerlaneranni peqqisnnissaqarfimmit, Dronning Ingridip Napparsimmavissuani piffissamik tunineqarsimasut attavigineqassapput:

- Taamaammat sianernani Peqqinnissaqarfimmit saaffigineqarnissap utaqqimaarneqarnissaa kajumissaarutaavoq, Namminersorlutik Oqartussat allapput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS