Nuuk: Orpik sumi ikinneqassava?

Nuup qeqqani nutaamik atuarfiliortoqarmat, juullimi orpiliap ileqquusumik ikinneqarnissaanut, nunaminertamik orpiup inissaanik nassaarniartoqassaaq.

Arsiffimmi atuarfiliortoqarnerup, nunaminertaq juullimi orpiliamik ikitsinermi atorneqartartoq atorneqarsinnaajunnaarsippaa, ukiorpassuarni juullimi orpiliamik ikitsisoqartarpoq – ileqqoq innuttaasorpassuarnit, inuusuttunit angajoqqaanillu peqataaffigineqartartoq.

Inuussutissarsiornermut Aningaasaqarnermullu Ataatsimiititami siulittaasup, borgmester Cahrlotte Ludvigsenip ataatsimiititaq kingullermik ataatsimiimmat ilisimatitsissutigaa, orpimmik ikitsisarfissap allamut inissinneqarnissaa pillugu apeqqut, kommunip innuttaasunik peqataatitsineranut nittartakami, Kommuneqarfigamut ikkunneqarniartoq.

Siunertaavoq, illoqarfimmi innuttaasut Kommuneqarfiga aqqutigalugu, inissiiffiusinnaasutut kissaatiminnik tunniussinissaat, politikkerit kissaatigineqartut aallaavigalugit inissisimaffissaq aalajangiiffigissavaat.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS