Nuuk: Oddsertartoq aningaasarpassuarnik eqquisimasoq
Oddsertartoq ataaseq 100 koruuneerluni 200.000 koruuningajalluinnarnik eqquisimavoq.
Danskit arnartai arsamik nunanut allanut unammisartui sisamanngormat Maltamut unamminerminni minutsit 89-issaanni 7-0-mik isertitsimmata Oddsertartumut Nunatsinneersumut iluanaartitsisimapput, Danske Spil tusagassiorfinnut nalunaateqarnermi allappoq.
Danske Spilimimi eqqoriaasartoq nunamut allanut unammisoqarnerani minnerpaamik arfineq-marlunnik isertitsisoqassasoq eqqoriarsimavaa.
Aningaasanoornermik ajornartorsiuteqarneq
Aningaasanoornermik ajornartorsiuteqaruit Allorfiup katsorsaasarfia oqarasuaat 52 53 43 sianerfigalugu imaluunniit allorfik@allorfik.gl allaffigalugu saaffigisinnaavaat.
Danskit arnartaasa arsamik nunanut allanut unammisartuisa unamminerat Oddsertartup aningaasarpassuarnik iluanaarutigisimavaa, taassuma unamminerit allat 21-t aamma eqqorniarsimavai, taakkulu tamaasa aatsaat eqqorunik aningaasannassutigisinnaallugit.
Pisiffimmi Nuummiittumi oddsersimasoq
- Eqquisup ajugaasussatut ilimagineqarnerpaasut oddsillu 2-mik taassumanngaluunniit mikinerusut krydsilersorsimavai, oddsertartulli unamminerit taamak amerlatigisut eqqorsimamammagit tupinnaqaaq, Daniel Jensen Danske Spilimi oddsiliisartoq oqarpoq.
Unamminerit 21-t taakku 1.967,10 koruuningajannik naleqarput, Oddsertartulli kuponi 100 koruuneerluni pisiarimagamiuk 196.710 koruuninik eqquisimavoq.
Kuponi eqquissutaasoq Pisiffimmi Nuummiittumi pisiarineqarsimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...