Nuuk: Nuup Kangerluani arfernik piniarneq inerteqqutaalissava?
Nuummi kangerlorujussuarmi qipoqqarnik immikkut ittumik piniaqqusiunnaartoqarnissaa pillugu suliami innuttaasut maanna tusarniarneqassapput.
Aningaasaqarnermut Inuussutissarsiornermullu Ataatsimiititaliap qipoqqaat Nuup Kangerluani eqqissisimatinneqarnissaannik siunnersuut tusarniaassutiginiarlugu aalajangiuppaa. Tusarniaanerup kingorna kommunalbestyrelsi inaarutaasumik aalajangiissaaq.
Kommunalbestyrelsimut ilaasortaq Michael Rosing, septembarip 19-anni 2019-imi siunnersuuteqarpoq. Arferup uumatinneqarnissaata qulakkeerneqarnissaa kissaatigineqarpoq, taamaalilluni takornarianut amerliartortunut ilaatigut arfernik takuniaatitsinernik aaqqissuisoqarnissaanut periarfissaqaannarniassammat.
Inatsisitigut nalilersorneqartoq
Kommunip Suliffeqarfimmut Kiffartuussivimmi ingerlatsivia eqqissisimatitsinissamut aalajangersakkamut missingiummik suliaqarpoq, taanna inatsisitigut nalilersorneqarpoq, aamma Aalisarnermut, Piniarnermut Nunalerinermullu Naalakkersuisoqarfimmit iluarsineqarpoq.
Aningaasaqarnermut Inuussutissarsiornermullu Ataatsimiititaliami politikerinut suliamik saqqummiussami kommunimi pisortami Lars Møller-Sørensenimit oqaatigineqarpoq, kommunimi maleruaqqusaq “Nuup Kangerluani qipoqqarnik arfernillu sumiiffinnaalinnik pisaqarnissamut pissaanissamullu inerteqquteqalernissaq pillugu kommunimi ileqqoreqqusaliorneq Kommuneqarfik Sermersuumi qippoqqarnik piniarnerup tamarmi inerteqqutaalerneranik isumaqanngitsoq”.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...