Nuuk: Nunasiaataaneq pillugu immikkut saqqummersitsineq
Nunatta Katersugaasiviata Allagaateqarfiatalu ullumi pingasunngornermi immikkut saqqummersitsineq ammassavaa.
'Nunarput 1721-2021: Nunasiaataaneq. Piorsarneq. Inuiaat.' qulequtaralugu Nunatta Katersugaasiviata Allagaateqarfiatalu immikkut saqqummersitsivoq.
- Immikkut saqqummersitsivimmi oqaluttuarisaanermi qulequttat arfineq pingasut ilisaritinneqassapput. Taamatuttaaq saqqummersitat ataavartut sinneri ukiup ingerlanerani ingerlaavartumik assigiinngit-sunik qulequttamut tunngassuteqartunik ilaartorneqassapput, tusagassiutinut nalunaarummi Nunatta Katersugaasiviata Allagaateqarfiatalu allappoq.
Saqqummersitap ukiut kingulliit 300-t eqikkarlugit siunissamut qiviarluni takutinniaraluassavai.
Nunatta Katersugaasivia Allagaateqarfialu ukiut 300-it qaangiuttut malunnartinniarlugit ukiormanna assigiinngitsunik sammisaqassaaq.
- Ukiormanna ukiut 300-nngorpaat nunasiaateqarneq aallartisarne-qarmat. Hans Egedep 1721-imit ajoqersuilerneranit ullumikkumut pissutsit allanngorsimaqaat. Inuit amerlanerujussuanngorsimapput. Inuussutissarsiut piniarnerinnavimmiikkunnaarsimavoq. Inuit takor-luuisinnaanerat kristumiussutsip pingaartitaanik ileqquinillu ilaneqarsimavoq. Ullumi nunarput nammi-nersulersimavoq inuilu nunarsuarmioqataasut isumaqatigiissutaat malillugit inuiattut akuerineqar-simalereerput. Namminersuleriartorneq sakkulersorfiunani ingerlanneqarsimavoq. Oqaatsit ilaatigut sakkortuut atorlugit isumaqatigiinngiffiusarsimavoq tunngavilersuutit sakkugineqarlutik. Ullumi nunat-ta tunngaviusumik inatsisissaa suliarineqaleruttorpoq, nalunaarutigineqarpoq.
Saqqummersitaq 25. februar aallarnerfigalugu takuniarneqarsinnaalissaaq, ukiorlu tamaat saqqumissalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...