Nuuk: Nerrivimmi arsaarartartut qaffasissumik sungiusarneqarput
Meeqqat inuusuttullu nerrivimmi arsaararnermut soqutiginninnerat annaajumanagu, Nuummi nerrivimmi arsaarartartut klubbiata TTC12-ip Danmarkimi sungiusaasumik tikisitsivoq. Timersuutit allat periarfissanik ujartuinissaat kaammattuutigineqarpoq
Coronavirusi pissutaalluni neriivimmi arsaararluni pissartanngorniunneq ukioq manna taamaatiinnarneqarpoq.
Meeqqat inuusuttullu timersuummut soqutiginniinnarnissaat anguniarlugu timersoqatigiiffik TTC12 periarfissanik ujaasinikuuvoq.
- Danmarkimi ikinngutigilluagaanit peqatigiiffimmit B75 (Hirtshals) qallunaat nunaanni qaffasinnerpaamik unammisartoq, aammalu qallunaat inuusuttuaqqat nunanut allanut unammisartutut peqataasareersoq Peter Svenningsen sungiusaajartorluni tikisipparput. Ujartornikuuarput timersoqatigiiffitsinni ilaasortat sungiusarnerat ataavartuuniassammat, TTC12-imi sungiusaasoq Anders Jensen Sermitsiaq.AG-imut oqarpoq.
Illoqarfimmi pissartanngorniunnissaq
Timersuutit allat periarfissanik misissuinissaat kaammattuutigaa.
- Timersornermut soqutiginnissuseq appariarujussuassanngippat timersuutini ingerlatsisut arlaatigut qanoriliuuseqarsinnaanissaat neriuutiginarpoq, inuusuttuaqqat meeqqat aammalumi ilaasortat timersuummik aallussinerat iluatigalugu. Uagut tikeraaqarnerput iluaqutissartarpassui takusinnaalereerpagut sungiusarnerup iluani, aammalu sungiusarfiup avataani nunatsinni eqqumaffigineq ajukkagut eqqartornerinik, Anders Jensen oqarpoq.
Peter Svenningsen marlunngorpat tungaanut Nuummiissaaq. TTC12-ip Nuummi pissartanngorniuttoqarnissaa sulissutigaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...