Nuuk: Mittarfik nutaaq pillugu innuttaasunik ataatsimiisitsineq
Ingerlatseqatigiiffik Kalaallit Airports miitarfiliortitsinissaq pillugu illoqarfiit pingaarnersaanni nutaamik paasititsiniaanermik ingerlataqassaaq.
Sapaatip akunnerata siuliani mittarfiliortitsernermi ASN-mik nalunaarusiaq sammisaralugu innuttaasunik ataatsimiisitsisoqarpoq. Ataatsimiisitsisoqarnerani innuttaasut 40-rut peqataapput, mittarfiliortitsertoqarneranillu avataviingiisinut sunniutigisinnaasat pillugit arlallit apeqqutigineqarlutik. Nipiliornerit, isikkiviit kiisalu Qinngorput kangerluanik mingutsitsisoqarsinnaanissaa innuttaasunit soqutigineqarpoq.
Apeqqutit arlallit
- Innuttaasunik ataatsimiisitsineq ingerlalluarpoq, tassani arlallit apeqquteqarlutik, Kalaallit Airportsimi suliniutinut pisortaq Aviaaja Karlshøj Knudsen, Sermitsiaq.AG-mut oqarpoq.
Inuttaasunik ataatsimiisitsinermi apeqqutigineqartut Kalaallit Airportsip aqutsisuisa akissuteqarfiginngilaat. Tamatumunnga pissutaavoq ASN-mik nalunaarusiaq kingulleq pillugu tusarniaavigineqarneranut innuttaasunik ataatsimiisitsoqarnissaa piumasaqaataammat. Taamaammat ASN-imik nalunaarusiorsimasoq Hans Kristian Drejer Nirasiminngaanneersoq akissuteqartuuvoq.
- Suliniummut atatillugu apeqqutit arlaqarput. Taamaammat Kalaallit Airportsiminngaanniit innuttaasut ataatsimiisinneqarnissaannut aggersarpagut, tassani innuttaasut avatangiisinut sunniutissat kisiisa pinnagit apeqqutaannik akissuteqarsinnaassaagut, suliniutinut pisortaq paasissutissiivoq. Ataatsimiisitsineq ukiumi nutaami februarip qaammataani ingerlanneqarnissaa naatsorsuutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...