Nuuk: Meeqqat immikkut ittumik aaqqiissutaasumik atuariartortinneqartut ima amerlatigipput
Atuarfeqarneq aamma meeqqeriveqarneq matuneqareersoq immikkut ittumik iliuuseqarnikkut Kommuneqarfik Sermersooq atuartunik meeqqaniittunillu tigusaqarpoq
Nuummi meeqqat 74-it immikkut ittumik atuartinneqanngikkunik meeqqanut paaqqinnittarfinnut tunniunneqarput sisamanngormat. Coronavirusimik inuit marluk tunillatsereersut atuarfeqarfiit meeqqeriviillu matuneqarnikuupput, taamaattumik immikkut ittumik atuarfinnik meeqqanillu paaqqinnittarfimmik kommuni pilersitsinikuuvoq.
Meeqqanut taakkununnga angajoqqaajusut immikkut ittumik suliassaqarnertik pissutigalugu meeqqatik atuarfinnut meeqqerivinnullu paaqqinnittarfinnut tunniussinnaavaat.
Amerliartortut
Immikkut ittumik iliuuseqartoqarneratigut periarfissaq atorluarneqartoq kisitsisit takutippaat, tassami kisitsit tallimanngornermi amerleriarpoq.
Ulluni taakkunani ima isikkoqarpoq:
Sisamanngorneq: Meeqqat qulit atuarfimmukaanneqarput, 64-it meeqqerivimmukaanneqarlutik
Tallimanngorneq: Atuartut 17-it meeqqerivimmiut 77-t
Nuummi 2.151-it meeqqat atuarfiini atuartuupput, 1.825-it meeqqerivinniittarlutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...