Skip to main content

Nuuk: Meeqqat arfineq-pingasunik ukiullit nakuuserlutillu aserorterisut

Meeqqat eqimattat allaat arfineq-pingasunik ukiulittallit Nuummi unnuakkut saassussillutillu, nakuuserlutillu aserorterisimapput. Immikkut suliniuteqarneq kinguneqarluarpoq.

Meeqqat arfineq-pingasut 14-illu akornanni ukiullit politiinut, isumaginninnermi oqartussanut innuttaasunullu siooranartumik pissusilersornerisa kingunerisaanik, Kalaallit Nunaanni Politiit unnuaammat ulaperuloreernerup kingorna, qaammatip ataatsip matuma siorna Kommuneqarfik Sermersuup isumaginninnermut pisortaqarfianut allattariaqarsimapput.

Meeqqat qulit missaanni amerlassuseqartut, amerlanerpaallu meeqqat angerlarsimaffiini najugaqartuusut, politiit naliliipput.

Unnuami pisut eqikkarneri

Politiit oktobarip 31-ata unnuaani nalunaarusiaata eqikkarnera atuaruk:

Nal. 22.00: Meeqqat angerlarsimaffiini najugallit meeqqallu meeqqat angerlarsimaffiini najugaqanngitsut xx eqqissiviilliortitsillutillu kamarujussuarput.

Nal. 23.15: Inuusuttut eqimattat nukappiaqqamik allamik Vinslottenip eqqaani saassussipput.

Nal. 23.30: Inuusuttut arfineq-pingasut qulillu akornanni amerlatigisut meeqqat angerlarsimaffianni xx eqqissiviilliortitsipput.

Nal. 00.41: Inuusuttut Nota Benep igalaava sequtsilerpaat.

Nal.00.50: ASK-ip atuarfiani igalaat 19-t aserorsimapput

Nal. 00.50:  Kigutileriffimmi igalaaq ataaseq aserorsimavoq

Nal. 01.12: Meeqqat blok 8-p eqqaani biilinik parnaarsimanngitsunik ujaasipput.

Nal. 02.57: Meeqqat arfinillit biilinik ammaaniarsaripput. Biilit qernertut inuttaqaratik qullii ikumapput.

Politiit saaffiginnereernerisa kingorna, Meeqqanut Ilaqutariinnullu Ingerlatsivik erngerluni immikkut suliniummik pilersitsivoq, Toqqissisimanissaq pillugu angalaqatigiittartut unnukkut ingerlaartalerlutik.

Toqqissisimanissaq pillugu angalaqatigiittartut nalinginnaasumik unnuit tamaasa nal. 20.00-02.00-p akornanni ingerlaartarput, sapaatip-akunnerisalu naanerini akissarsiffinnilu angalaqatigiittartut marluk ingerlaartarlutik.

Ingerlatsiviup pisortaa Frederik Lundblad ataatsimiititaliami ataatsimiinnermi kommunemi politikerinut ilisimatitsivoq, "inuusuttut ilungersunartumik pissusilersortarnerat nal. 02:00-p kingorna pisartoq, tassa Toqqissisimanissaq pillugu angalaqatigiittartut ingerlaarnerisa avataatigut", Toqqissisimanissaq pillugu angalaaqatigiittartut ingerlaarfii inuusuttut paasisimagamikkit.

Toqqissisimanissaq pillugu angalaaqatigiittartunik amerlisaaneq

- Nuup aqquserngini unnuakkut eqqissiviilliortitsinerit pissutaallutik, Meeqqanut Ilaqutariinnullu Ingerlatsivimmiit Toqqissisimanissaq pillugu angalaqatigiittartut  marlunnik ilaneqassasut, politikerinut ilisimatitsissutaavoq. Suliniutip nal. 04.00-p tungaanut sivitsorneranik isumaqarpoq.

Novembarip ingerlanerani suliniuteqarnerit, ilaatigut Toqqissisimanissaq pillugu angalaaqatigiittartut tungaanniit suliniut kinguneqarluartoq, Kommuneqarfik Sermersuumi attaveqaqatigiinnermut pisortaq, Lars Damkjær, ilisimatitsivoq.

- Toqqissisimanissaq pillugu angalaaqatigiittartut siornatigutulli ingerlanneqartalerput, ajornartorsiummik aaqqiisimaneq takussutissaqarmat, Lars Damkjær ilisimatitsivoq.

- Ajornartorsiutaalersinnaasut iliuuseqarfigisinnaajumallugit, atuarfiit juullikkunni matoqqanerisa nalaanni Toqqissisimanissaq pillugu angalaaqatigiittartut pillugit suliniut annertusineqassasoq ingerlatsiviup aalajangerpaa, attaveqaqatigiinnermut pisortaq ilisimatitsivoq.

Politiit allannguutit malugisinnaalluaraat

Sapaatip-akunnerini kingullerni siornatigumut sanilliullugu, Nuummi aserorterisoqartarneranit ajornartorsiutit ataatsimut isigalugu annikillisut politiit naliliisut, Kalaallit Nunaanni Politiit pigaartuisa pisortaat, Ole Hald, Sermitsiaq.AG-mut ilisimatitsivoq.

Toqqissisimanissaq pillugu angalaaqatigiittartut inuusuttunik unnukkut unnuamilu illoqarfimmiittartunik attaveqarfiginnittartuusut, perorsaasunik sulisoqarput. Ilaatigut inuusuttut angerlaannissaannut imaluunniit angerlarsimaffik toqqissisimananngippat sullissisumut attaveqarnissaannut neqeroortarput.

Nuummi innuttaasunik nutaanik tikilluaqqusineq

Kommuneqarfik Sermersuumit Nuummi innuttaasut nutaat tamarmik tikilluaqqusinissamut qaaqqusaapput, tassani Nuuk ilisimasaqarfiginerulernissaanut periarfissaqarputit.

...

Imminut toqunnissamik pitsaaliuineq pillugu Nuummi oqaluagiartoqarnera iluatsilluartoq

Ulloq februaarip 11-anni imminut toqunnissamik pitsaaliuineq qitiutillugu paasisitsiniaalluni Nuummi Katersortarfimmi oqalugiartoqarmat, inuit 100-t tungaannut takkupput.

...
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER