Nuuk: Inuup inuuneranik qanoq annaassisoqarsinnaanersoq ilinniaruk
Ullumi pingasunngornermi Uummammik aallartisaatinut ullorititaavoq. Taanna ulloq uummammik unittoornermi aallartisaatip qanoq pingaaruteqartigineranik paasissutissiisoqassaaq. Nuuk Centerimi aaqqissuisoqassaaq
Nunarsuaq tamakkerlugu uummammik aallartisaatit ulluat Nunatsinni malunnartinneqassaaq.
Danmarkimi ulloq taanna Dansk Råd aamma TrygFonden kajumissutsimik sulisut peqatigalugit ulloq malunnartittarpaat. Ukiormannalu Nunarput siullermeerluni malunnartitseqataassaaq, ikiueqqaarnermi ilitsersuisut Kalaalit Røde Korsianeersut kajumissutsiminnik suliarissavaat.
Nuuk Centerimi malunnartitsineq
- Kinaluunniit tassanngaannartumik uummamminik unittoorataannaavoq, ukiut suiaassuserlu apeqqutaanatik. Uummammik unittooraanni uummat kassukkunnaartarpoq anersaartorunnaartarlutillu, taamaalilluni silaannaq timimi ingerlajunnaartarpoq.
Qarasaq silaannaaruttarpoq, qarasarlu minutsiminiinnannguit silaannaqarnani uumasinnaavoq, Kalaallit Røde Korsimit Julie Senderovitz tusagassiutinut nalunaarummi oqarpoq.
Aaqqissuussaq Nuuk Centerimi ullumi pingasunngornermi pissaaq.
Uummammut aallarsaat toqqissisimaffigineqalernissaa
- Taamaattumik piffissap sivikitsunnguup iluani ikiueqqaartoqanngippat uumaannarnissaq qularnarsisarpoq.
- Taamaattumillu uummarsaanermi minutsimininnguit siulliit apeqqutaasorujussuusarput. Uummammik unittoortoqartillugu uummammut aallarsaat kikkunnit tamanit atorneqarsinnaanngorlugu sanaajuvoq, taamaattumillu atussagaanni qanoq atornissaa toqqissisimaffigisariaqarpoq atornissaalu sapiiffigisariaqarlugu, Julie Senderovitz oqarpoq.
Aaqqissuussaq Nuuk Centerimi pingasunngorpat 16 oktober nal.14 -19.00 ingerlanneqassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...