Nuuk: Inuit 440-t ullormi ataatsimi akiuussutissalertissimasut
Sisamanngormat takkutiinnarluni akiuussutissalersuinermut kapitikkiartortorpassuusimapput. Innuttaasut 440-t akiuussutissalerneqarsimapput, tamannalu nunatsinni nakorsaanerup nuannaarutigaa ullorlu iluatsilluartutut nalilerlugu.
Nuummi takkutiinnarluni akiuussutissalersuineq sisamanngormat ingerlanneqarpoq. Inuppassuillu kapitikkiartorlutik meterinik hunnorujulikkaanik takissusilimmi tulleriaarsimallutik.
- Eqimattat 18 sinnerlugit ukiullit, siullermeerlutik kapitittut ullup qeqqata kingorna kapitikkiartortut procentimik ataatsimik amerleriarsimapput, tamanna inerneruvoq iluatsilluartoq, nakorsaaneq Henrik L. Hansen taama oqarpoq.
Kapuuisoqarnerani ornigulluartoqarsimanera akiuussusersuinermi ataqatigiissaarisup Anna Wangenheimip aamma iluarisimaarpaa.
- Ilimagisatsinniit iluatsilluarneruvoq. 300-t takkunnissaannut neriulluarluta missiliussimavarput, taamaattorli innuttaasut 440-t takkupput, tamanna torraqaaq. Tullissaani neqeroorutitta eqaannerusinnaanera sulissutigissavarput, taanna oqarpoq.
Namminneq kajumissusillit ikiuussimasut
Inuit avataaneersut ikiuussimanngitsuuppata, inuit taamak amerlatigisut akiuussutissalertissimanavianngikkaluarput. Oqartussat nammineq kajumissutsiminnik ikiuussimasut qutsavigaate.
- Piffissaq sivikitsoq atorlugu taama amerlatigisunik kapuuinissanik aaqqissuussineq suliaavoq annertooq, aaqqissuussarlu iluatsissinnaasimavoq innuttaasut nammineq kajumissuseq atorlugu ikiuunnerisigut. Taamaammat innuttaasut nammineq kajumissuseq atorlugu ikiutaasimasut annertoorujussuarmik qujaffigineqarusupput, oqartussanit ilisimatitsissutigineqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...