Nuuk: Illoqarfiup qeqqani coronamut misissortittoqarsinnaanngungajalerpoq
Innuttaasut angalareersimallutik angerlarsimaannarsimasunut Danmarkimiillu imaluunniit Islandimiit tikinnerminnit ullut tallimat qaangiunneranni misissorteqqittussanut misissuiviussaaq, KNR allappoq.
Nuummi illoqarfiup qeqqani coronamut misissortittoqarsinnaanngungajalersoq KNR nittartakkamini allappoq.
- Misissuivik covid-19-imik ersiuteqanngitsunut kisiannili misissortittussanut atorneqassaaq, nakorsaaneq, Henrik L. Hansen KNR-imut oqarpoq.
Misissuivik Kalaaliaratoqqami inissisimassaaq, qaqaguli ammassanersoq suli aalajangerneqanngilaq.
Maleruaqqusat allanngortinneqanngikkallarmata ulluni tallimani tikereernermi angerlarsimaqqusisoqarmat tikittut 80 procentiisa missaanniittut misissorneqartarput, maanna sapaatip akunneranut inuit 800-t missaanniittut misissorneqartarput.
Nakorsaaneqarfik Kommuneqarfik Sermersoorlu suleqatigiittut
Kommunimi aamma nakorsaaneqarfimmi sulisut misissuisassasut ilisimatitsissutigineqarpoq.
- Tamanna piffissami matumani inissaqartitsinermit annerusumik qulakkeerissutaassaaq. Danmarkimimi Islandimilu tunillaassuuttoqangaatsiarnera pissutigalugu misissorteqqittoqartarnissaanut tikittullu angerlarsimaannarallartarnissaannik atulersitseqqinnikuuvugut, nakorsaaneq oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...