Nuuk: Gas-imik aniasoortoqalernerani ajunaarnersuarmi kalerrisaarut appisinneqartoq
Nuummi innuttaasut ajunaarnersuarmi kalerrisaarutip aallartinneqaraluarnera sisamanngornermi ullaap tungaani tusaasimassavaat. Ajunaarnersuarmi kalerrisaarut aallartinneqarsimavoq talittarfittaami containerip iluani qummuattaq gas-imik imaqartoq uppimmat.
OBS. Ajunaarnersuarmi kalerrisaarutip aallartinneranut pissutaasoq allaaserisami allanngortinneqarpoq nal. 10.43. Kalerrisaarisoqarneranut pissutaavoq qummuattaq gas-imik imaqartoq uppissimammat, gas-ilu aniasoorutigineqarsimammat.
Nuummi innuttaasut arlallit ajunaarnersuarmi kalerrisaasut nal. 09.35 missaani ataasiarluni kalerrisaaritinneqartoq tusaasimassajunnarsivaat.
Kalaallit Nunaata Politiivini attaveqatigiinnermik suliaqartoq Sermitsiaq.AG-mut ilisimatitsivoq Nuummi talittarfimmi containerip iluaniittoq qummuattaq gas-imik imaqartoq uppinnerani kalerrisaarut aallartinneqarsimasoq. Qummuattamit gas-i anialersimagaluarpoq.
Gas-imik aniasoortoqarnera avatangiisinut ulorianartorsiortitsinngimmat politiit aqqusinermik assersuinertik maanna atorunnaartissimalerpaat.
- Susoqarsimanera Kalaallit Nunaata Politiivisa maanna misissorpaat, attaveqatigiinnermik suliaqartoq Nadia Ankerfelt Rasmussen Sermitsiaq.AG-mut oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...