Nuuk: Assigiinngisitaarneq malunnartinniarlugu tallimanngorpat ingerlaaqatigiittoqassaaq
Nuuk Pridemi assigiinngisitaarneq, toqqissisimasumik ataqqeqatigiillunilu atoqagiinneq eqqarsartaatsikkut peqqissuunerlu malunnartinniarlugit LGBT Kalaallit Nunaata aaqqissugaanik ingerlaaqatigiittoqassaaq
Nuuk Pride tallimanngorpat ingerlanneqassaaq, aaqqissuisuniillu peqataajumasut tamarmik tikilluaqqusaapput.
- Pride ingerlaaqatigiinneq Amisut saavaniit unnukkut arfineq pingasunut aallartissaaq qulingiluanullu aallartiffiup nalaani naammasilluni. Kingornatigut 18-ileereersimasut piumasut Manhattan Night clubimi nalunaaqutaq unnuap qeqqata tungaanut nalliuttorsiorneq nangillugu peqatigaluta nuannateqataanissamut tikilluaqquagut aamma, pisussamut aaqqissuisoq Seqininnguaq Poulsen tusagassiutinut nalunaarummi allappoq.
Kikkut tamat naligiinnerat
Nuuk Pride suiaassuseq pillugu assigiinngisitsinermut akerliunermik takutitsinerussasoq ilisimatitsivoq.
- Tamanna saniatigut nunatsinni kikkuugaluaruttaluunniit tamatta naligiinnitsinnik. Nuuk Pride aamma assigiinngisitaarnermut, toqqissisimasumik ataqqeqatigiillunilu atoqagiinnermut, eqqarsartaatsikkut peqqissutsimut inuttullu pisinnaatitaaffitsinnut nunatsinni innuttaaqatitsinnut aamma atuuttumut, nalinginnaasumik suiaassutsimut arnaanermut angutaanermulluunniit allaanerusumik misigisunut oqariartornerulluni, Seqininnguaq Poulsen oqarpoq.
Nuuk Pride aaqqissuussaavoq Nuummiittunut tamanut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...