Nuuk: Aqqusinerni nerngallaat ima ateqassapput
Illoqarfiit pingaarnersaata kommuniani piareersaalluni suliaqarneq naammassigaluttuarpoq, tassami illoqarfiup aqquserngini nerngallaat aqqanillit qanoq ateqassanersut nalunaarutigineqarsinnaalermata. Ukiuni pingasuni kingullerni suliaq naammassigaluttuarpoq.
Illoqarfimmi aqquserngit nerngallaasa atsersorneqarnissaat, kommunalbestyrelsemi ilaasortamit Uju Petersenimit IA sinnerlugu ilaasortaasumit isumassarsiarineqarpoq. Atsiussinissalli tungaanut piffissaq qanoq sivisutigisoq atorneqarumaassanersoq siunnersuuteqartumit takorlooruminaassimassaaq.
Apriilimi 2015-imi akuerineqartoq
Ujup siunnersuutigisaa kommunalbestyrelsemi apriilimi 2015-imi akuerineqarpoq. Sumiiffiit Aqquserngillu Taaguutaannik Siunnersuisoqatigiit aqutsisoqarfillu peqquneqarput innuttaasunik peqataatitsissasut, ukioq mannalu innuttaasunik taasititsisimallutik.
Tamat oqartussaanerat atorlugu periarfissaq atorlugu innuttaasut 27-t peqataasimapput, taasititsinermi akissutissat pingasut periarfissaasimallutik kiisalu akissut ammasoq ataaseq periarfissaalluni.
- Oqaatsit qanganisat
- Nerngallaap sumiiffia
- Nunatta uumasuisa taaguutaat
- Innuttaasut siunnersuutaat
Taasisut 41 procentiisa nerngallaap sumiiffia atsiutissallugu tulluartinnerusimavaat.
Taamaasillutik nerngallaat ima atserneqarnissaat Sumiiffiit Aqquserngillu Taaguutaannik Siunnersuisoqatigiinnit innersuussutigineqarpoq, oqaaserlu kaajallattariaq nerngallammut taarsiullugu atorneqassasoq erseqqissaassutigineqarluni.
- Fiskerbyp Kaajallattariaa
- Issortarfiup Kaajallattariaa
- Qernertunnguit Kaajallattariaat
- Akunnerit Kaajallattariaat
- Eqalugalinnguit Kaajallattariaat
- Sarfaarsuit Kaajallattariaat
- Pukuffiup Kaajallattariaa
- Qarsup Kaajallattariaa
- Pisissip Kaajallattariaa
- Naternap Kaajallattariaa
- Suloqqap Kaajallattariaa
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...