Nuuk: Aqqusernit angallaffiunerpaat

Illoqarfiit pingaarnersaanni Eqalugalinnguit ullormut biilinik 16000-inik aqqusaarneqartarluni angallaffigineqarnerpaavoq

Kommuneqarfik Sermersooq aasaq aqqusinikkut angallannerup annertussusaanik misissuisimavoq, pilersaarusiortullu maanna sumi angallattoqarnerpaasartoq paasisimalerpaat.

Aqqusernit tallimat angallaffiunerpaapput, ullormullu biilit qassit taakkunuunatigut ingerlaartarnersut misissorneqarsimalluni:

Eqalugalinnguit – biilit 16.000-it

Sipisaq Kangilleq biilit 14.800-t

Peter Thårup Høegh Aqq biilit 11.200-t

Aqqusinersuaq biilit 8.600-t

400-talik biilit 7.800-t

Biilerpassuit Kommuneqarfik Sermersuumi pilersaarusiortarfimmut unammilligassaqartitsisarput.

- Biilit ukiumiit ukiumut amerliartuinnavipput. Innuttaasut namminneq biiliminnik atuinatik ataatsimoorluni angallassutaasartunik qanoq ililluta atuilersissinnaanerlugit nalilersuisariaqarpugut, pilersaarusiornermi pisortaq Bilo Høegh Stigsen Sermitsiaq.AG-mut oqarpoq.

Apeqqutaavorli qanoq ililluni amerlanerit bussinik atuisunngortinneqarsinnaanersut. Taassuma ilisimatitsissutigaa aaqqiissutaasinnaasut arlallit oqaluuserineqarsimasut.

- Ullaakkut ualikkullu angallaffiunerpaagaangat immikkut illuinnartumik biilit amerlalluinnartarput. Biilertut tulleriaattorpassuusarput. Illoqarfimmut illoqarfimmiillu bussinut taxanullu atugassanik immikkut aqquserniorneq aaqqiissutaasinnaavoq, bussit taamaalillutik biilinit sukkanerusumik puuttalersinnaallutik, Bilo Høegh Stigsen, angallannerup misissorneqarnerata kingorna kommuni qanoq iliuuseqartoqarnissaanik suli aalajangiisimannginnerarlugu erseqqissaasoq oqarpoq.

Ulorianartorsiortitaasarneq

Ataaserli qularnaatsuuvoq. Nakkutiginnittarnerit aqqutigalugit paasineqarsimavoq sikkilertut illoqarfimmi kaajallattarissat qanilligaangamikkit ulorianartorsiortinneqarsinnaasut.

- Ilaatigut pitsaanerusumik allagartalersuinikkut aaqqiissutissarsiupallassaagut, sikkilertut taamaalillutik aqqusinermi qanoq iliuuseqarsinnaanerlutik nalunnginniassammassuk. Aputaaruppat suliassaq taanna aallartissavarput, Bilo Høegh Stigsen ilisimatitsivoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS