Nuuk: Angut aallaasilik politiinit tigusarineqarpoq
Angummik toqqissiviilliortitsisumik tigusarinninnermi ajoqqusertoqanngilaq.
Nuummi talittarfitoqqami angummik aallaasilisartoqarneranik politiit nalunaarfigineqarput nalunaaqutaq 12.15 ullumi sisamanngornermi.
Politiit tusagassiutinut nalunaarummi allapput.
Isumannaallisaaneq pissutigalugu politiit pisumut ornigupput.
Pinartoqanngilaq
- Angut containerit eqqaanniittoq siumorneqarpoq, aamma nammineerluni politiinut tunniutiinnarpoq. Tassanngaannit politiinit tigusarineqarpoq, nalunaarutigineqarpoq.
Tigusarineqartoq siorasaarisimanngitsoq ilisimatitsissutigineqarpoq. Igeriarsimanersoq takussutissaqanngilaq, taamaattoq toqqissiviilliortitsisinnaasutut isikkoqarsimalluni.
- Pisoq paasiniarneqareerpat paasinarsissaaq angut unnerluutigineqassanersoq, politiit ilisimatitsipput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...