Nuuk: Angut 36-nik ukiulik siorasaarisimasutut unnerluutigineqarluni tigusarineqartoq
Angut siorasaarisimasoq akunnerni arlalinni politiinit tiguniarneqareerluni maanna tigusarineqarpoq.
Nuummi Politiit angut siorasaarisimasoq Nuussuarmi Paarnani inissianit aniumanngitsoq akunnerni arlalinni anisinniareerlugu maanna tigusaraat.
Siorasaarisoqarneranik politiit nalunaarfigineqarput ataasinngornermi nal. 14.26. Najukkamut politiit arlallit ornigupput aqqusinerlu assersorlugu.
- Nalunaarutigineqarpoq angut 36-nik ukiulik aallaaseqarluni Nuussuarmi inissiami mattusimasoq. Pigaartut angut oqaloqatigalugu nalunaaqutaq 17.30 tikillugu eqqissitinniaraluarpaat, politiit tusagassiorfinnut nalunaaruteqarlutik allapput.
Pisoq ulorianaratarsinnaanera politiinit nalilerneqarpoq, taamaammat politiit sulineranni najugaqarfinni ineqartut isersimaannarnissaannik politiit kaammattuipput.
- Politiit inissiamut gassimik nal. 20:31 ingeriussissallutik aalajangerput, taamaasillutik angut silamut anisissinnaalertikkumallugu. Suliami aqutsisoq nal. 21.26 naluhnaarpoq angut politiinit tigusarineqartoq politiinullu siorasaarisutut pasillerneqartoq.
Paarnani aqquserngit maanna ammarneqaqqipput.
Politiit Sermitsiaq.AG-mut ilisimatitsipput angut 36-nik ukiulik politiinit ilisarisimaneqareersoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...