Nuuk: Aatsaat taamak asfaltilersuisoqartigisoq
Sanarfinermut Avatangiisinullu Ingerlatsivik, illoqarfiit pingaarnersaanni kommunalbestyrelsimi politikkerit ilassutitut aningaasaliissutissat marluk akuersissutiginngipatikkit 15 millioner koruuninik amigaateqalissaaq
Naatsorsuinermi tunngaviit aaqqissuuteqqinneqarneranut atatillugu aamma kontonik nutaanik atuutsitsilernermut atatillugu Ingerlatsiviup paasisimavaa ukiup sinneranut akiligassat akilerneqassappata 11,6 millioner koruunit amigaatigineqassasut.
11,6 millioner koruunit taakku Ingerlatsinermut Avatangiisinullu oqartussaaffimmut attuumassuteqarput, sanaartornermulli ingerlatsivimmi 3,4 millioner koruunit amigaatigineqarlutik.
Imaarutingajanneqarsimasoq
Kommunip karsia imaangajanneqarsimasoq kontunit allanit immeqqinneqarsimavoq, Asfaltiliorfimmi sipaarutigineqartut, akigititanik qaffaanerit immikkullu ittumik isertitat kommunip karsianut naatsorsuutigisamit isertitsissutaanerusimapput.
Assigiinngitsutigut akigititanik qaffaasimanerit kommunip karsianut immikkut 3,8 millioner koruuninik isertitsissutaasimapput, kommunimilu sanaartortoqarluarnera pissutigalugu avataanit asfaltink inniminniisoqarluarsimammat 2 millioner koruuninik sinneqartoortoqarsimalluni.
Sipaarutigineqartut
Sinneruttut 800.000 koruunit sipaaruteqarsimanikkut aamma ingerlatsivimmi atorfiup ataatsip inuttaqannginnerata malitsigisaanik isertitsissutaasimapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...