Skip to main content

Nuuk Water Taxip amigartooruteqarneq quarsaarutiginngilaa

Pisortaq Anders Lykke Laursen, Nuuk Water Taximeersoq, ernumalersimanngilaq, naak suliffeqarfik ingerlatseqatigiiffiup ukiumi naatsorsuusiorfiani siullermi amigartooruteqarlunilu nammineq aningaasaatiminik annaasaqaraluartoq.

Nuuk Water Taxi ingerlatseqatigiiffiup ukiumi naatsorsuusiorfiani siullermi, 2020/21-mi ukiut nikinnissaata tungaanut qaammatinik 14-inik sivisussuseqartumi, 600.000 koruuningajannik amigartooruteqarpoq. Tamanna nammineq aningaasaatinik eqquivoq, taakkua koruunit millionip affaanit 90.000 koruuninik minusimiittunut appariaateqarmata, aviisi Sermitsiaq allappoq.

Taamaakkaluartoq aningaasaliisoq

– Qalliinnarsiortumik isigalugu soorunami pitsaanngitsutut isikkoqarpoq, kisianni corona atuukkaluartoq siunissamut aningaasaliiniarluta aalajangersimavugut. Siorna ingerlatseqatigiiffiup unikaallatsinnissaanik imaluunniit neqeroorutit nutaat atorlugit niuerfimmut naleqqussarnissamik toqqagassaqarsimavugut, Anders Lykke Laursen oqarpoq.

– Tamanna pingaartumik Nuummi mittarfiliornermik pissuteqarpoq. Mittarfik ammarpat piareersimasariaqarpugut. Taamaattumik aningaasaliivugut. Aasaru Targamik suli allamik tikisitsissaagut, qanittukkullu Greenland Boat Charter pisiaraarput.

Oqaluttuaq tamaat Sermitsiami uani atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER