Nuuk sarfaaruppoq
Anorersuarnerani Nuummi illoqarfiit immikkoortui tamarmik sarfaarupput. Akornutaasoq iluarsiniarlugu Nukissiorfiit suligasuarput.
Nuummi illoqarfiit immikkoortui tamarmik sarfaarupput. Innaallagiaq qamippoq ullaakkut nalunaaqutaq qulingiluat qaangilaarsimaleraa.
Nuummi anorersuaq anoraasuarnernik 38 m/s sakkortussuseqartartumik marlunngornermi unnukkulli eqqorneqarpoq. Nukissiorfiit Facebookiminni nalunaarput anorersuarnera pissutaalluni Nuuk, Nuussuaq aamma Qinngorput sarfaaruttut.
- Innallagissap aqqutaata ajutoornera peqqutaalluni sarfaqanngikkallarpoq. Sulisugut tamaviaarlutik iluarsinissaanut sulissuteqarput, Nukissiorfiit allapput.
Sarfaarunnerup akornutaa Nukissiorfinniit paasineqareersimasoq ilisimatitsissutigineqarpoq, sarfalersuinissamullu maanna sulisoqarluni.
Innaallagiap aqqutaa pillugu nutaamik paasisaqartoqarpat Nukissiorfiit nalunaaqqissapput, suligasuarniassagamilli akornusersoqqunatik.
Anorersuaq unammilliingaatsiartoq
Nukissiorfiit anorersuarneranit kisimik unammillerneqanngillat.
Nuummi coronavirusimut misissortittarfik anorersuarnera pissutigalugu matoqqagallarpoq, qatsuumeriarpalli ammaqqissalluni. Kalaallit Nunaata Politiivi innuttaasunut aamma kaammattuipput pisariaqanngitsumik anissannginnerannik, silami ingerlaneq ulorianarsinnaammat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...