Skip to main content

Nuuk qitsunnik nujuartarnik ulikkaarpoq

Ullut ataatsip ingerlanerani qitsuit sisamat tiguneqartut

Nuummi biilit angallatillu kisimik inuttassaaleqinngillat. Qitsuppassuimmi illoqarfimmi unnukkut sumiiffisaqaratik angalaarujoortarput.

Uumasut angalaannartut tiguniarsarineqartartut, Kalaallit Nunaanni Uumasut Ikinngutaaat Facebookikkut taama allaaserinnippoq.

Atuaruk: Inissiani uummasuuteqarsinnaaneq taasissutigineqartalerli

- Inissiaatileqatigiiffik INI A/S qitsuit nujuartat tiguniarlugit pullasersortarput. Nuummi ajornartorsiut annertoorujussuuvoq, Uumasut Ikinngutaat allappoq.

Ippassaq qitsuit sisamat tiguneqarsimapput taakkuli uumasut nakorsaannut toqutassanngorlugit tunniunneqarlutik. Uumasuuvimmimi qitsuit nujuartat nakkutigineqarsinnaanngitsut paasissutissiipput.

Angerlarsimaffissarsiortut

Qitsuit marluk nujuartaanatik pinngualerituujusut paasinarsimmat uumasuusivimmut nuunneqarsimapput, tassani piginnittoqalernissartik utaqqissavaat.

Atuaruk: Uumasorpassuit atugarliortut

- Qitsuk siulleq angutiviaavoq. Nukittorpaseqaaq kiinamini qileroqarpoq siutaalu siinneqarluni. Nuup illoqarfiani atungarliorsimasoq, Uumasut Ikinngutaat allappoq.

Qitsuup aappaa arnaviaavoq qernertuuvoq sakiaalu qaqortortuulluni.

Qitsuk piaraq sapaatit akunnerinik arfinilinnik utoqqaassusilik qimminut miloriunneqarsimasoq

Ippassaq uumasuusivik qitsuup piaraanik atugarliorsimaqisumik aamma tigusaqarput.

Qitsuk piaraq Holms Dyreartiklerimit tigujumaneqanngimmat qimmit inaannut miloriunneqarsimavoq. Piginnittuata pigerusukkunnaarsimangaa oqaluttuarineqarpoq. Sila anorlerajullunilu -13 missaanik issippoq!, uumasuusivik taama nalunaaruteqarpoq.

Qitsuk piaraq sapaatit akunneri 6-7-it sinnersimanngikkaat ilimagineqarpoq, Uumasut Ikinngutaasali ernummatigaat illoqarfimmi qitsuit piaraat arnaanniik avissaartinneqajaartoqarsimanissaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER