Nuuk pillugu meeqqat qalipaasut
Nuuk pillugu oqaluttuanik Kommuneqarfik Sermersooq katersivoq. Poorskip nalaani atuanngiffeqarnermi meeqqat arlallit Nuummi susarnerminnik oqaluttuartunik qalipaasinneqarput.
Aalisakkat, tupeq, illuaqqat, aput, aasarlu.
Meeqqat poorskip nalaani atuanngiffeqarnerminni qalipaasinneqartut tamakkuni qalipaapput.
Meeqqat qalipaanermik workshoppertitsinermi, suliniummut "Finding Nuuk"-mut ilaasumut peqataapput.
- Kommuneqarfik Sermersuumi Nuuk pillugu qitiusumik oqaluttualiorluta suliaqarpugut. Tamanna Nuuk pillugu takornarianut, innuttaasunut suliffeqarfinnullu nutaanut oqaluttuarniaraangatta atortassavarput, Kommuneqarfik Sermersooq allappoq.
Meeqqat workshoppimi peqataasut Nuummi sulerisarnertik pillugu qalipaapput. Qalipakkallu Nuummut tikittunut atorneqartalissapput.
Innuttaasut tamarmik tunniussaqassapput
Maria Kjærulff qalipaatitsisuuvoq.
Nuuk pillugu innuttaasut allat aamma tunniussaqarnissaat Kommuneqarfik Sermersuup sulissutigissavaa.
- Oqaluttualiaq kikkut tamarmik oqaluttuaatigissavaat, taamaattumillu meeqqat ilaqutariit, inuusuttut, angajoqqaat, utoqqaat, politikerit, kulturilerisut. suliffeqarfiit allarpassuillu suleqatigalugit ineriartortinneqassaaq, kommuni allappoq.
Innuttaasut oqaluttuaat september 2022-mi naammassissangatinneqarput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...