Skip to main content

Nuuk Nunatsinni siuttutut suli ingerlarsorpoq

Kommuneqarfik Sermersooq nammineq inissaqartitsiniarnermini ilusilersukkani pillugu namminersorlutik oqartussanit pilertortumik paasisaqarusuppoq.

Ukiunut tulliuttunut sisamanut Kommuneqarfik Sermersuumi isumaqatigiissut Inuit Ataqatigiinnit, Demokraatinit aamma Naleqqamit tallimanngornermi apriilip ulluisa 16-ianni Nuummi kommunalbestyrelsip ataatsimiittarfiani atsiorneqartoq qulequtaqarpoq »Kommune Illoqarfittut pingaarnersaqarfik siuariartorfiusoq« ataaniittorlu qulequtaaraq taaguuteqarluni »Siuariartorneq - Toqqissisimaneq – Inerikkiartorneq«, aviisi Sermitsiaq allappoq.

Taavalu tassa Nunarsuarmi kommunimi annerpaami siunnerfik ukiunut sisamanut tulliuttunut inissinneqarpoq.

Qinersivimmi 2021-25-mut Nuup annertoorujussuarmik ineriartornini ingerlatiinnarniarpaa: Atlantikorsuaq qulaallugu timmisartortarnissamut mittarfik 2.200 meteriusoq aamma illoqarfiup immikkoortuanut nutaamut Siorarfimmut sulluliaq tassani qinigaaffimmi atoqqaartinneqassapput.

Kisianni isumaqatigiissummi kommunip sinnerani angusassatut toraarfiusumik iliuuseqarnissaq ilaavortaaq, aamma Paamiuni, Tasiilami aamma Ittoqqortoormiini aalajangersimasunik suliniuteqarnissaq kiisalu nunaqarfinni arfineq-pingasuusuni siornatigornit annertunerusumik kommunip takorluugaanut ilanngunneqarlutik.

Periarfissaq atorluarlugu

Charlotte Ludvigsen, Inuit Ataqatigiit, 2019-imiilli borgmesteriusoq tassani ingerlaannassaaq.

- Nuannaarutigaara kommune tamakkerlugu aallartitarput ineriartorneq taamatut atitutigisumik tapersersorneqarmat, Charlotte Ludvigsen oqarpoq partiit taakku pingasut akornanni isumaqatigiissut pillugu. Taavalu tassa periarfissaq periarfissaagallartillugu atorluarneqartariaqarpoq.

Aviisimi Sermitsiami allaaserisaq atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER